600 მლ რძე დავდგათ ცეცხლზე. დავუმატოთ ნახევარი ლაიმის კანი, დარიჩინის ჩხირი და 100 გ შაქარი. სანამ რძე ადუღდება, ამოვიღოთ ლაიმის კანი და დარიჩინი. რძე დავტოვოთ ცეცხლზე, დაბალ ტემპერატურაზე. 100 გ ფქვილში გავხსნათ 150 მლ რძე და დავუმატოთ ცხელი რძის მასას. მასა რომ ადუღდება და ფქვილი მოიხარშება, გადმოვდგათ ცეცხლიდან და გავაგრილოთ. კონტეინერს (15 X 10 X 5 სმ) წავუსვათ კარაქი და ჩავასხათ გაგრილებული რძის მასა. შევდგათ მაცივარში 3 საათის განმავლობაში. გაგრილებული მასა ამოვიღოთ კონტეინერიდან. დავჭრათ კუბებად. ამოვავლოთ ჯერ ფქვილში, შემდეგ ხელით ათქვეფილ კვერცხში და შევწვათ ზეთში. 50 გ შაქრის ფხვნილი და 1/2 ჩკ დარიჩინი შევურიოთ ერთმანეთს და შემწვარი რძე შიგ ამოვავლოთ. გემრიელად მიირთვით!
