კომბოსტოს დაწნული ღვეზელი
კომბოსტოს დაწნული ღვეზელი
დრო 150წთ
ულუფა 0
სირთულე საშუალო
შეინახე რეცეპტი
ამ გემრიელი და ლამაზი ღვეზელის მოსამზადებლად ნებისმიერი გულსართი შეიძლება გამოიყენოთ, ამჯერად გთავაზობთ კომბოსტოსა და კვერცხის მიქსს.

ინგრედიენტები

  • კომბოსტო - ნახევარი თავი, პატარა
  • გულსართისთვის:
  • კარაქი - 40გ
  • მარილი
  • კვერცხი - 1
  • შაქარი - 1 ს.კ
  • საფუარი - 7 გ
  • რძე - 100 მლ
  • ფქვილი - 225 გ
  • მოხარშული კვერცხი - 3
  • მარილი და პილპილი
მომზადების წესები
თბილ რძეს დავამატოთ საფუარი, შაქარი და 75 გ ფქვილი. დავაფაროთ თავზე და ვაცალოთ ამოფუება. შემდეგ დავამატოთ დარბილებული კარაქი, კვერცხი, დარჩენილი ფქვილი და მარილი. მოვზილოთ ცომი. დავდგათ 1 საათი ასაფუებლად.

ამასობაში კომბოსტო დავჭრათ და ზეთში მოვშუშოთ. დავამატოთ დაჭრილი კვერცხი, მარილი, პილპილი და ავურიოთ.

ცომი გავაბრტყელოთ ოთხკუთხედად, შუაში სიგრძეზე დავდოთ გულსართი, გვერდები ჩავჭრათ ლენტებად და გადავაწნათ ერთმანეთს ზემოდან.

ღვეზელი გადავიტანოთ ქაღალდჩაფენილ ფორმაში, დავდგათ 20 წუთი ამოსაფუებლად, შემდეგ გადავუსვათ კვერცხი და 200 გრადუსზე გახურებულ ღუმელში გამოვაცხოთ დაახლოებით 25 წუთი
ტეგები:
ცომი კვერცხი კომბოსტო ნანახია: 11178