ხაჭოს ვარენიკები არაჟნის ცომით
ხაჭოს ვარენიკები არაჟნის ცომით
დრო 0წთ
ულუფა 0
სირთულე მარტივი
შეინახე რეცეპტი

ინგრედიენტები

ცომი
  • კვერცხი - 2 ც
  • „სოფლის ნობათის“ რძე - 1/2 ჭიქა
  • „სოფლის ნობათის“ არაჟანი 20% - 1/4 ჭიქა
  • წყალი - 1/2 ჭიქა
  • მარილი - 2 სკ
  • ფქვილი - 4 ჭიქა
შიგთავსი
  • ხაჭო - 350 გ
  • ყველი - სურვილისამებრ
  • მწიკვი მარილი
მომზადების წესები

ათქვიფეთ კვერცხი, რძე, არაჟანი, მარილი და წყალი. დაუმატეთ 3 ჭიქა-ნახევარი ფქვილი და მოზილეთ ცომი. როცა ცომი ხელებზე აღარ მოგეკრობათ, მზად არის. თუკი ცომი ძალიან წებოვანია, დარჩენილი ფქვილიც გამოიყენეთ. შემდეგ გადააფარეთ სამზარეულოს ცელოფანი ან ჩაის ტილო და დაასვენეთ 1-2 საათით.

შიგთავსის მოსამზადებლად ხაჭოს ყველი შეურიეთ (სურვილისამებრ და სასურველი რაოდენობით). თუკი ყველი არ გსურთ, მაშინ მწიკვი მარილი დაუმატეთ და ამოურიეთ.

ცომი კიდევ ერთხელ გადაზილეთ, გააბრტყელეთ, ამოჭერით მრგვალი ფორმები. ფორმაში მოათავსეთ ხაჭო და მიეცით სასურველი ფორმა.

წყალი აადუღეთ, ჩაყარეთ ცოტა მარილი და მოათავსეთ ვარენიკები. დუღილს რომ დაიწყებს, დაბალ ცეცხლზე გააგრძელეთ ხარშვა. ვარენიკები შეგიძლიათ მოხარშული მიირთვათ ან ტაფაზე დაბრაწოთ.

გემრიელად მიირთვით!

ტეგები:
არაჟანი ვარენიკი ვარენიკები ნანახია: 16