ფენოვანი მილები კრემით
ფენოვანი მილები კრემით
დრო 50წთ
ულუფა 0
სირთულე მარტივი
შეინახე რეცეპტი
ამ მარტივი, გემრიელი ნამცხვრის დასამზადებლად დიდი ძალიასხმევა არ დაგჭირდებათ.
წლების წინ ეს ძალიან პოპულარული დესერტი იყო, სახლში, შეიძლება შემორჩენილიც გქონდეთ კონუსის ან მილის სპეციალური ფორმები, რომელზეც ცომი ცხვება. შეიძლება ასეთი ფორმები თავადაც დაამზადოთ მუყაოთი ან სქელი ქაღალდით და შემდეგ ფოლგა შემოაკრათ.

ინგრედიენტები

  • შაქარი - 3 ს.კ.
  • კრემ-ყველი - 110 გ
  • ნაღები 32% -36% - 220 მლ
  • მზა ფენოვანი ცომი - 1 პაკეტი
  • ლიმონის წვენი - 2 ს.კ
მომზადების წესები
ნამცხვრისთვის დაგჭირდებათ მზა ფენოვანი ცომი. ცომი გავალღვოთ და გავშალოთ. მსუბუქად გავაბრტყელოთ. დავჭრათ ლენტებად. ლენტები შემოვახვიოთ მილის ან კონუსის ფორმებს და დავალაგოთ საცხობ ფურცელზე. გამოვაცხოთ 180-190 გრადუსზე გახურებულ ღუმელში, სანამ ოქროსფერს არ მიიღებს. გავაციოთ.

ამასობაში მოვამზადოთ კრემი. შეგიძლიათ,  ნამცხვრისთვის ნებისმიერი სასურველი კრემი გამოიყენოთ, იქნება ეს მოხარშული, შესქელებული რძითა და  კარაქით თუ ნაღებით. ამჯერად ძალიან გემრიელ კრემს გთავაზობთ ნაღებით და ქრიმ-ჩიზით.
ათქვიფეთ მიქსერით კრემ-ყველი და შაქარი, დაამატეთ ნაღები და ლიმონის წვენი. თქვიფეთ სანამ გასქელდება და კრემი ფორმას დაიჭერს.

ამოავსეთ კრემით გამომცხვარი მილები, მოაფრქვიეთ შაქრის პუდრა.