ყველაზე მარტივი და სწრაფი „მედოვიკი“ ტაფაზე - მხოლოდ 30 წთ დაგჭირდებათ
ყველაზე მარტივი და სწრაფი „მედოვიკი“ ტაფაზე - მხოლოდ 30 წთ დაგჭირდებათ
დრო 0წთ
ულუფა 0
სირთულე მარტივი
შეინახე რეცეპტი

ინგრედიენტები

ცომი
  • კარაქი - 30 გ
  • კვერცხი - 2 ც
  • თაფლი - 100 გ
  • მწიკვი მარილი
  • სოდა - 1 ჩკ
  • ფქვილი - 3 ჭიქა
კრემი
  • მოხარშული შედედებული რძე - 150 გ
  • არაჟანი 20% - 200 გ
მომზადების წესები

ქვაბში მოათავსეთ კარაქი, თაფლი, კვერცხი და მწიკვი მარილი. დადგით ორთქლის აბაზანაზე და მოურიეთ. ყველაფერი რომ გადნება, დაუმატეთ სოდა და კვლავ ამოურიეთ. რამდენიმე წუთში დაუმატეთ 1 ჭიქა ფქვილი. ერთგვაროვან მასას რომ მიიღებთ, გადმოდგით ორთქლის აბაზანიდან და დარჩენილი ფქვილიც დაუმატეთ (უმჯობესია, თუ ეტაპობრივად დაუმატებთ, უნდა მიიღოთ ნაზი ცომი, რომელიც ხელებზე არ მოგეკრობათ).

მიღებული ცომი გაყავით 8 ნაწილად, გააბრტყელეთ და გამოაცხვეთ გახურებულ ტაფაზე ორივე მხრიდან 1-2 წუთის განმავლობაში.

კრემის მოსამზადებლად ერთმანეთს შეურიეთ მოხარშული შედედებული რძე და არაჟანი. კრემი გადაანაწილეთ ყველა ფირფიტაზე და შედგით ნამცხვარი მაცივარში 2 საათით.

შეგიძლიათ მორთოთ გამდნარი შოკოლადით. გემრიელად მიირთვით!