ხაჭოს ნამცხვარი ცხობის გარეშე - ისეთი ნაზია, პირში დნება
ხაჭოს ნამცხვარი ცხობის გარეშე - ისეთი ნაზია, პირში დნება
დრო 0წთ
ულუფა 0
სირთულე მარტივი
შეინახე რეცეპტი

ინგრედიენტები

  • ფხვიერი ქარხნული ნამცხვარი "პეჩენია" - 500 გ
  • შედედებული რძე - 1 ქილა
  • კაკაო - 2 სკ
  • კარაქი - 100 გ
  • ხაჭო - 250 გ
  • არაჟანი - 2 სკ
  • შაქარი - 2 სკ
მომზადების წესები

დააქუცმაცეთ ორცხობილა (პეჩენია), შეურიეთ კაკაო, გამდნარი კარაქი და შედედებული რძე. მიღებული მასა გაყავით ორ ნაწილად (მეორე უფრო დიდი რომ იყოს). დიდი ნაწილი გადაიტანეთ ფორმაში (ფორმაში წინასწარ დააფინეთ სამზარეულოს ცელოფანი). კარგად გადაანაწილეთ ზედაპირზეც და გვერდებზეც.

ხაჭოს შეურიეთ შაქარი, არაჟანი და კარგად ამოურიეთ (უმჯობესი იქნება, თუ დააბლენდერებთ). გადაიტანეთ ფორმაში. თავზე დაფშვნილი ორცხობილის მასა გადაანაწილეთ და შედგით მაცივარში 1-2 საათით.

გემრიელად მიირთვით!