გახეხეთ ყველი და სტაფილო. ლავაშის ერთი ფენა გაშალეთ, თხელ ფენად გადაუსვით მაიონეზი, კეტჩუპი ან თქვენთვის სასურველი ნებისმიერი სოუსი. მოაყარეთ გახეხილი ყველი. დაადეთ ლავაშის მეორე ფენა, კვლავ სოუსი გადაუსვით და გახეხილი სტაფილო მოაყარეთ. დაადეთ მესამე ფენა, სოუსის შემდეგ დაჭრილი მწვანილები და სალათის სანელებლები (ან მხოლოდ მარილი და შავი პილპილი) მოაყარეთ. გადაახვიეთ რულეტივით და მაცივარში შეინახეთ. შეგიძლიათ სხვა ნებისმიერი შიგთავსით მოამზადოთ, ძალიან უხდება მოხარშული ქათმის ფილეც.
