დარბილებულ კარაქს დაუმატეთ მარილი, შაქრის ფხვნილი და ვანილი. გათეთრებამდე გათქვიფეთ, შემდეგ დაუმატეთ კვერცხის ცილა და თქვეფა გააგრძელეთ. ერთგვაროვან მასას რომ მიიღებთ, ეტაპობრივად დაუმატეთ ფქვილი და სილიკონის ან ჩვეულებრივი კოვზით მოურიეთ. ცომი გადაიტანეთ საკონდიტრო ტომარაში და გამოსაცხობ ქაღალდზე „დასვით“ პატარა ზომებად. ცენტრში ადგილს თითით დააწექით და სასურველი ჯემით ან თხილეულით ამოავსეთ. გამოაცხვეთ 220 გრადუსზე გახურებულ ღუმლეში 15-17 წუთით. გემრიელად მიირთვით!
