უგემრიელესი ალუბლის ჯემი ზამთრისთვის მხოლოდ 10წთ-ში - 1 საიდუმლო ინგრედიენტი და საუკეთესო კონსისტენციას მიიღებთ
უგემრიელესი ალუბლის ჯემი ზამთრისთვის მხოლოდ 10წთ-ში - 1 საიდუმლო ინგრედიენტი და საუკეთესო კონსისტენციას მიიღებთ
დრო 0წთ
ულუფა 0
სირთულე მარტივი
შეინახე რეცეპტი

ინგრედიენტები

  • ალუბალი - 1 კგ
  • შაქარი - 500-600 გ
  • აგარ-აგარი - 10 გ
მომზადების წესები

ალუბალს დააცალეთ ყუნწები და კურკა გამოაცალეთ. გაითვალისწინეთ, რომ 1 კგ-ს უკვე კურკაგამოცლილი ალუბალი უნდა იწონიდეს.

გადაიტანეთ ქვაბში, დაუმატეთ შაქარი და ხელის ბლენდერით კარგად დააბლენდერეთ. დაახლოებით 100 მლ მეორე, პატარა ქვაბში გადაიტანეთ და აგარ-აგარი დაუმატეთ. ერთგვაროვანი მასის მიღებამდე მოურიეთ.

ალუბლიანი ქვაბი დადგით საშუალო ცეცხლზე. დუღილს რომ დაიწყებს, 5 წთ ადუღეთ. პერიოდულად ქაფი მოაშორეთ. 5 წუთის შემდეგ ცეცხლიდან გადმოდგით.

აგარ-აგარიანი ალუბალი დაბალ ცეცხლზე დადგით და სისტემატიურად ურიეთ. თუ ძალიან კარგად შეიკვრება და ერთგვაროვან მასას მიიღებთ, ე.ი. აგარ-აგარი უკვე კარგად გააქტიურდა. შემდეგ დაუმატეთ 100 მლ წყალი და კარგად ამოურიეთ, ერთგვაროვან მასას რომ მიიღებთ, ალუბლიან მასას დაუმატეთ, კვლავ ცეცხლზე შემოდგით და საშუალ ცეცხლზე გააჩერეთ. ადუღების შემდეგ კიდევ 5 წთ ხარშეთ. პერიოდულად ამოურიეთ.

ცხელი ჯემი გასტერილებულ ქილებში ჩაასხით, თავი დააფარეთ, ამოატრიალეთ და თბილად შეფუთეთ.

ტეგები:
ჯემი ალუბალი ალუბლის ჯემი ნანახია: 1568