წყალი დადგით ასადუღებლად და ჩაყარეთ მარილი. პარალელურად გარეცხეთ და გათალეთ სტაფილო და სატაცურის ბოლოები. დაჭერით კუბიკებად და მოწალეთ ადუღებულ წყალში რამდენიმე წუთით, რომ მორბილდეს. ჯერ სატაცური, შემდეგ გადაიტანეთ დროებით ჯამში. მიწის მოსამზადებლად, ჯამში ერთად აურიეთ ფქვილი, შაქარი, მარილი, წყალი და ზეთი და გააფხვიერეთ, დაყარეთ პერგამენტზე, საცხობ ფორმაზე და გამოააცხვეთ 10-15 წუთი 170 გრადუსზე. მოწალულ სატაცურს და სტაფილოს გაუკეთეთ ზეთით კარამელიზაცია ტაფაზე. ჩაუშვით ბლენდერში შაშკვლავთან ერთად და დაასხით დაახლოებით, 150-200 მლ წყალი, მასში მოწალეთ ბოსტნეული. ჩაყარე დაღერღილი წიწაკა და დააბლენდერეთ. შემდეგ გაატარე საცერში. ქრამბლი - იგივე მიწა - რომ გამოცხვება და გაგრილდება, კარგად დანაყე როდინში. შაშკვლავის ფოთლებისგან გააკეთეთ ჩიფსი ზეთში (გაახურე ზეთიანი ტაფა და რამენიმე წამით გააჩერე ფოთოლი), იგივე გაიმეორეთ სატაცურის თავებზე. მოაჭერით თავი, გაჭერით შუაზე და მობრაწე ისე, რომ ფერი არ დაკარგოს. სუპს თავზე, სიგრძეზე მოაყარეთ მიწა და გააფორმეთ შაშკვლავის და სატაცურის ჩიფსებით.