გარგრის ჯემი ზამთრისთვის - ასე მომზადებული ჯემი ინარჩუნებს იდეალურ ფერსა და არომატს
გარგრის ჯემი ზამთრისთვის - ასე მომზადებული ჯემი ინარჩუნებს იდეალურ ფერსა და არომატს
დრო 0წთ
ულუფა 0
სირთულე მარტივი
შეინახე რეცეპტი

ამ ინგრედიენტებით გამოდის 2,5 ლ უგემრიელესი ჯემი.

ინგრედიენტები

  • გარგარი - 2 კგ (კურკაგამოცლილი)
  • შაქარი - 1 კგ
  • ლიმონის წვენი - 50 მლ
  • აგარ-აგარი - 20 გ
  • წყალი - 50 მლ
მომზადების წესები

50 მლ წყალში გახსენით აგარ-აგარი.

გარგარს გამოაცალეთ კურკა. გადაიტანეთ გარგარი ქვაბში, დაუმატეთ შაქარი, ლიმონის წვენი და ხელის ბლენდერით დააბლენდერეთ. ერთგვაროვან მასას რომ მიიღებთ, დადგით ცეცხლზე. ერთი კოვზი პიურე დაუმატეთ აგარ-აგარს, რომ მთლიან მასაში კარგად გაიხსნას. გააჩერეთ საშუალო ცეცხლზე და მიიყვანეთ ადუღებამდე. რომ ადუღდება, ცეცხლს დაუწიეთ და 5 წთ გააჩერეთ. არ დაგავიწყდეთ შიგადაშიგ მორევა.

ადუღებიდან 5 წუთის შემდეგ აგარ-აგარი ჯემს დაუმატეთ და კარგად ამოურიეთ. ადუღეთ კიდევ 3-4 წუთით. ცხელი ჯემი ჩაასხით სუფთა ჭიქებში და თავი დაახურეთ.