შაქარს დაუმატეთ ფქვილი, მწიკვი მარილი და ამოურიეთ. დაუმატეთ ორი კვერცხის ცილა, გამდნარი კარაქი და გათქვიფეთ. მიღებული ცომი შედგით მაცივარში 15 წუთით. გამოსაცხობ ლანგარზე დააფინეთ სილიკონის ან ჩვეულებრივი გამოასაცხობი ქაღალდი. 2 სკ ცომი გადაიტანეთ და კოვზით „გააბრტყელეთ“. უნდა მიიღოთ თხელი „ფირფიტა“. გაამზადეთ იმდენი, რამდენიც დაგეტევათ და გამოაცხვეთ 180 გრადუს გახურებულ ღუმელში 5-8 წუთით. გვერდები რომ დაებრაწება, ფრთხილად აიღეთ და ცხელივე გადაახვიეთ ხის ჩხირის დახმარებით.
