ბოსტნეულის ასორტი ზამთრისთვის - საუკეთესო რამ, რისი მომზადებაც ზაფხულში შეიძლება
ბოსტნეულის ასორტი ზამთრისთვის - საუკეთესო რამ, რისი მომზადებაც ზაფხულში შეიძლება
დრო 0წთ
ულუფა 0
სირთულე მარტივი
შეინახე რეცეპტი

გამოდის 4 ცალი 1-ლიტრიალი ქილა მწნილი.

ინგრედიენტები

  • კიტრი - 1.7 კგ
  • პამიდორი - 1.7 კგ
  • ხახვი - 2 ც
  • ნიორი - 12-16 კბილი
  • წითელი ბულგარული წიწაკა
  • დაფნის ფოთოლი - 4 ც
  • შავი პილპილის მარცვლები - 12 ც
  • მიხაკი - 4 ც
  • პირშუშხას ფოთოლი
  • შავი მოცხარის ან ალუბლის ფოთლები
  • ქინძი
  • მარინადი - 2.5-3 ლ
მარინადი
  • წყალი - 1 ლ
  • მარილი - 1 სკ
  • შაქარი - 2 სკ
  • ძმარი 9% - 40 მლ
მომზადების წესები

პირველ რიგში, მარინადს ვამზადებთ. ქვაბში ჩაასხით წყალი, დაუმატეთ მარილი, შაქარი და კარგად ამოურიეთ. დადგით ცეცხლზე და ადუღებამდე მიიყვანეთ.

კიტრს დააცალეთ ყუნწები. ბულგარული წიწაკა გაარჩიეთ და ჩხირებად დაჭერით. ხახვი გაარჩიეთ და სიგრძეზე დაჭერით.

სუფთა ქილებში ჯერ პირშუშხას ფოთლები ჩაალაგეთ, შემდეგ ქინძი, თითო-თითო დაფნის ფოთოლი,შავი მოცხარის ან ალუბლის ფოთლები და 3-3 ც შავი პილპილის მარცვალი. ამის შემდეგ კიტრი მჭიდროდ ჩაალაგეთ. ასევე ჩააწყვეთ ცხარე და ტკბილი წითელი წიწაკა, 3-4 კბილი ნიორი, პამიდორი, ხახვი. ასე ამოავსეთ ქილები. ბოსტნეულის რაოდენობა თქვენი გემოვნებისამებრ განსაზღვრეთ.

დავუბრუნდეთ მარინადს: რომ ადუღდება, გადმოდგით, ცოტათი გააგრილეთ და ძმარი დაუმატეთ. კარგად მოურიეთ და ქილებში გადაანაწილეთ.

ბოლოს ქილები წესისამებრ გაასტერილეთ (1-ლიტრიან ქილას 8 წუთი სჭირდება, 2-ლიტრიანს - 12, 3-ლიტრიანს - 15) და მოხუფეთ.