თუ გაქვთ ცოტა მსხალი და თხილი, მოამზადეთ ეს უგემრიელესი „გოზინაყის მურაბა“
თუ გაქვთ ცოტა მსხალი და თხილი, მოამზადეთ ეს უგემრიელესი „გოზინაყის მურაბა“
დრო 0წთ
ულუფა 0
სირთულე მარტივი
შეინახე რეცეპტი

„ჩემი ბავშვობის სიყვარული - სნიკერსმურაბა, გოზინაყმურაბა. ბავშობაში დედა ყოველ წელს გვიკეთებდა თხილის მურაბას, სიგიჟემდე გვიყვარდა. სამწუხაროდ, წელს არ დასცალდა გაეკეთებინა, მაგრამ გადავწყვიტე ტრადიცია არ დარღვეულიყო ოჯახში და ჩემს თავზე ავიღე ამ სიტკბოს გაკეთება და პირველ ცდაზე, ვფიქრობ, ძალიან კარგი გამომივიდა. დიდი იმედი მაქვს, დედიკო იამაყებს ჩემით იქ, სადაც არის.

 

არ მოგიწევთ ყავასთან მისაყოლებელი შოკოლადების ყიდვა, გახსნით და ჰოოპ, სნიკერსი უკვე ქილებში გაქვთ!“

 

ეს რეცეპტი Gemrielia.ge-ის ჯგუფის წევრმა, ქრისტი კვირაიამ, გაგვიზიარა. სხვა რეცეპტების სანახავად ეწვიეთ ჯგუფს.

ინგრედიენტები

  • მსხალი - 2 კგ
  • თხილი - 1 კგ
  • შაქარი - 2 კგ
  • ვანილი - 1 შეკვრა
  • წყალი - 1 ჭიქა
მომზადების წესები

წვრილად დაჭრილ მსხალს დავასხათ ერთი ჭიქა წყალი და მოვაყაროთ შაქარი, გავაჩეროთ 3 საათით. შემდეგ დავდგათ ნელ ცეცხლზე და წამოვადუღოთ.  ცოტა ხანი ვადუღოთ, შემდეგ გადავდგათ და გავაციოთ. ასე გავაკეთოთ მეორე ჯერზეც. ხოლო მესამედ წამოდუღების დროს მოვაყაროთ დაფშვნილი თხილი და ვანილი, თან ვურიოთ. იდუღოს, სანამ არ შესქელდება. ძალიან შეკრული უნდა იყოს, როგორც სნიკერსი. ჩაასხამთ წინასწარ გასტერილებულ ქილებში და ეგაა.

ძალიან გემრიელია, დამიჯერეთ, არ ინანებთ.

ტეგები:
თხილი მკითხველის რეცეპტი ნანახია: 3008