ჩაასხით 3ლიტრა წყალი ქვაბში, ჩაყარეთ 1 სკ მარილი და კარგად მოურიეთ. გათალეთ და დაჭერით ბადრიჯანი თანაბარ ნაჭრებად და ჩაყარეთ მარილიან წყალში. დატოვეთ 20–30 წუთის განმავლობაში. დაჭერით ბულგარული წიწაკა იმავე ზომის ნაჭრებად და მოაცილეთ თესლები. დაიწყეთ მარინადის მომზადება: ჩაასხით 1 ლ წყალი ქვაბში, დაამატეთ მარილი, შაქარი, ზეთი, ძმარი, დაფნის ფოთლები და შავი პილპილის მარცვლები. აადუღეთ და ნაწილ–ნაწილ: ჩაყარეთ ბულგარული წიწაკა, შემდეგ კი ბადრიჯანი. დარჩენილი მარინადი შეინახეთ. მოათავსეთ ყველა პროდუქტი გასტერილებულ ქილებში თანმიმდევრობით : ბადრიჯანი, ბულგარული წიწაკა და წვრილად დაჭრილი ნიორი. გაავსეთ ქილა. აადუღეთ გამზადებული მარინადი კიდევ ერთხელ და ჩაასხით ქილებში. მოათავსეთ ქილები დიდ ქვაბში, დაახურეთ თავსახური, დაასხით ცხელი წყალი და დაელოდეთ ადუღებას. ფრთხილად ამოიტანეთ ქილები ქვაბიდან და კარგად მოხუფეთ. შეგიძლიათ შეინახოთ ოთახის ტემპერატურაზე.