ყველასათვის საყვარელი ფხვიერი ნამცხვარი „დათუნია“ – თამო მეფიშვილის რეცეპტი
ყველასათვის საყვარელი ფხვიერი ნამცხვარი „დათუნია“ – თამო მეფიშვილის რეცეპტი
დრო 0წთ
ულუფა 0
სირთულე მარტივი
შეინახე რეცეპტი

Gemrielia.ge - ის ჯგუფის წევრის, თამო მეფიშვილის რეცეპტი. მკითხველთა სხვა რეცეპტების სანახავად ეწვიეთ ფეისბუქჯგუფს.

ინგრედიენტები

  • კვერცხი - 5 ცალი
  • შაქარი - 400 გრ
  • კარაქი - 250 გრ
  • თაფლი - 3 სკ
  • სოდა ძმრით - 1 ჩკ
  • ფქვილი - 550 გრ
  • მაიონეზი - 3 სკ
  • ვაშლი - 4 ცალი
  • ქიშმიში
  • გატარებული ნიგოზი - 1 ჭიქა
  • ვანილი
მომზადების წესები

 

ათქვიფეთ კვერცხის გული და 100გრ შაქარი, დაუმატეთ გამდნარი კარაქი ან მარგარინი, თაფლი, მაიონეზი (სიფხვიერისთვის), სოდა ძმრით, ვანილი და ფქვილი. ცომი უნდა იყოს ელასტიური. მიღებული მასა, მოვათავსეთ 30 წუთით მაცივარში. ამ დროის გასვლის შემდეგ, მასა გაყავით 3 ნაწილად, პირველი ნაწილი გააბრტყელეთ ფორმაში, გადაანაწილეთ გახეხილი ვაშლი. 
საცხობად გამოიყენეთ 24-26-28 სმ დიამეტრის ფორმა. 

შემდეგ გააბრტყელეთ მასის მეორე ნაწილი და დაადეთ გახეხილ ვაშლს ცალკე.

დარჩენილი ცილა ათქვიფეთ გამაგრებამდე, დაუმატეთ 300გრ შაქარი და ვანილი. ბოლოს, დაუმატეთ ბეზეს ქიშმიში და გატარებული ნიგოზი.

ეს მასა დაასხით გაბრტყელებულ ცომზე და გადმოაფინეთ მესამე ფენა, გამოვაცხვეთ 170 -180° ზე, დაახლოებით 45 წუთით. მზაობა ხის ჩხირით შეამოწმეთ, რადგან შეიძლება, მეტი დროც დასჭირდეს.

გამომცხვარი ნამცხვარი გააცივეთ და ზემოდან მოასხით გამდნარი შოკოლადი, მორთეთ სურვილისამებრ და გემრიელად მიირთვით.