ჯერ ვამზადებთ ბეზეს.გავახუროთ ღუმელი 100 გრადუსზე.ცილას დავამატოთ შაქარი და დავდგათ ორთქლის აბაზანაზე. ხშირად ვურიოთ. ცილა უნდა გათბეს და შაქარი გადნეს, მაგრამ ფრთხილად, ცილა არ უნდა გაცხელდეს!ავთქვიფოთ საშუალო სიჩქარეზე, სანამ მყარ ბეზეს არ მივიღებთ.საცხობ ფურცელზე დავაფინოთ ქაღალდი ან უკეთესია სილიკონის საფენი. საკონდიტრო ტომარას მოვარგოთ ვარსკვლავიანი თავი და დავსვათ ბეზეები საცხობ ფურცელზეცხვება 30-დან 60 წუთამდე, ყველაფერი დამოკიდებულია ღუმელზე, ასევე რამდენად სწორად აჩვენებს ტემპერატურას. ორიენტირად ბეზეს ფერი აიღეთ - თუ სწრაფად მიიღო კრემისფერი, დაუწიეთ ტემპერატურას და დროც შეამცირეთ. რაც უფრო პატარა ზომისაა ბეზე, მით სწრაფად გამოცხვება და უფრო ხრაშუნაც იქნება. გამოშრობის შემდეგ რუმელი გამოვრთოთ და შიგვე გავაციოთ.მოვამზადოთ კრემი: გულებს დავამატოთ რძე, შაქარი გემოვნებით და ყავა. მსუბუქად ავთქვიფოთ. დავდგათ დაბალ ცეცხლზე და გამუდმებით ვურიოთ, სანამ კრემი მსუბუქად არ შესქელდება. კრემი არ უნდა ადუღდეს!მიღებული კრემი გავწუროთ, შემდეგ კი გვაციოთ, თავზე გადავაფაროთ კულინარიული ცელოფანი ისე, რომ უშუალოდ კრემს ეხებოდეს, რათა ქერქი არ გაიკეთოს. შევინახოთ მაცივარში.სერვირება: ჭიქებში გავანაწილოთ კრემისებური ხაჭო, მოვაყაროთ დატეხილი ბეზე და დავადოთ გაციებული ყავის კრემი.
