მიდიებისა და კრევეტების სალათი მანგოსა და ბანანის დრესინგით - გურო ბეგლარიშვილის რეცეპტი
მიდიებისა და კრევეტების სალათი მანგოსა და ბანანის დრესინგით - გურო ბეგლარიშვილის რეცეპტი
დრო 0წთ
ულუფა 0
სირთულე საშუალო
შეინახე რეცეპტი

გურო ბეგლარიშვილის კერძი, რომელიც „მასტერშეფის“ პირველ შეჯიბრში ერთ-ერთ საუკეთესოდ დასახელდა.

ინგრედიენტები

  • ლეღვი - 50 გ
  • ბანანი - 100 გ
  • მანგო - 100 გ
  • ვორჯესტერის სოუსი - 20 მლ
  • სოიოს სოუსი - 20 მლ
  • ნიორი - 20 გ
  • ზეითუნის ზეთი - 50 მლ
  • ძმარი ბალზამიკო - 50 მლ
  • რეჰანი - 10 გ
  • ტარხუნა - 10 გ
  • ლურჯი ყველი - 50 გ
  • კარაქი - 10 გ
  • მარილი და პილპილი
  • ჩერი პომიდორი - 40 გ
  • რომანო - 70 გ
  • რუკოლა - 30 გ
  • კრევეტები - 100 გ
  • მიდიები ნიჟარით - 100 გ
  • მიკრო მწვანილები
  • დიჟონის მდოგვი, მარცვლოვანი - 30 გ
მომზადების წესები

ვრეცხავთ ფოთლებს და ვაშრობთ. ცალკე ვამუშავებთ მიდიებსა და კრევეტებს. ვჭრით ლურჯ ყველს მოგრძო ნაჭრებად. ასევე ლეღვს - 4 ნაჭრად. სალათის ფურცლებს ვასხამთ ოდნავ ზეითუნის ზეთს, ლიმონის ცედრას და ოდნავ ვორჩესტერს. ვდებთ თეფშზე კოშკივით. გვერდზე ვულაგებთ ჩერი პომიდორს, ლურჯ ყველს, დაჭრილ ლეღვს.

ბლენდერში ვყრით ბანანს, გაფცქვნილ მანგოს, დიჟონის მდოგვს, ბალზამიკოს ძმარს, ვორჩესტერს. ვაბლენდერებთ და ვუმატებთ ზეითუნის ზეთს. უნდა მივიღოთ დრესინგის ტექსტურა. ცალკე ვახურებთ ტაფას, ვასხამთ ზეითუნის ზეთს, ნიორს, კარაქს და ვიწყებთ ზღვის პროდუქტების შეწვას. ბოლომდე არ უნდა გამოვაშროთ კრევეტები და მიდიები. ბოლოსკენ სოიოს სოუსი და ლიმონის წვენი დავუმატოთ და თავსახური დავაფაროთ. არომატები რომ გაჯდება, ვალაგებთ სალათს გარშემო.