ცხარე სოუსი სალათებისთვის
ცხარე სოუსი სალათებისთვის
დრო 5წთ
ულუფა 0
სირთულე მარტივი
შეინახე რეცეპტი
ასეთი სოუსი მომზადების მერე მაცივარში კარგად ინახება 7-10 დღემდეც.  სალათის მომზადებისას მაცივრიდან გამოიღეთ რომ ცოტა შეთბეს, ზეითუნის ზეთი შეიძლება გაყინული იყოს. სანამ სალათის მომზადებას დაასრულებთ, სოუსიც საჭირო ტემპერატურას დაუბრუნდება. არომატები და სანელებლები შეგიძლიათ სურვილის მიხედვით ცვალოთ.

ინგრედიენტები

  • ნივრის კბილი - 1, სურვილით
  • ოხრახუში - 1/2 კონა
  • წიწაკა ჩილი - გემოვნებით
  • მარილი - 2/3 ჩ.კ
  • ზეითუნის ზეთი - 90 მლ
  • ლიმონის წვენი - 30 მლ
  • შაქარი - მწიკვი
  • შავი პილპილი - გემოვნებით
მომზადების წესები

მინის ქილაში ჩაასხით ზეთი, ლიმონის ან ფორთოხლის წვენი (ან კარგი ხარისხის ძმარი). პროპორცია ყოველთვის უნდა იყოს 3:1 ანუ სამი წილი ზეთი, 1 წილი მჟავა (ძმარი, ლიმონის წვენი და ა.შ)
ძალიან წვრილად დაჭერით ოხრახუში (ან სხვა სასურველი მწვანილი), ასევე ჩილი, ან ჩაანაცვლეთ დაღერღილი, გამომშრალი წიწაკით, დაამატეთ დაჭყლეტილი ნიორი (შეგიძლიათ ამოიღოთ), მარილი, შავი პილპილი და მწიკვი შაქარი.
ქილას დააფარეთ თავსახური და კარგად შეანჯღრიეთ, რომ ყველაფერი ერთმანეთში აირიოს. ამ ქილითვე შეგიძლიათ შეინახოთ.
სოუსი მზადაა! უხდება ბოსტნეულის სალათებს