მადისაღმძვრელი თეთრი შოკოლადის ტარტი – მკითხველის რეცეპტით
მადისაღმძვრელი თეთრი შოკოლადის ტარტი – მკითხველის რეცეპტით
დრო 0წთ
ულუფა 0
სირთულე მარტივი
შეინახე რეცეპტი

ეს რეცეპტი ჩვენმა ფეისბუქჯგუფის წევრმა – ეკა ხალვაშმა გაგვიზიარა. მკითხველების რეცეპტების სანახავად ეწვიეთ ჯგუფს.

ინგრედიენტები

ინგრედიენტები ტარტისთვის
  • ფქვილი - 150 გრ
  • კარაქი - 70 გრ
  • შაქარი - 30 გრ
  • კვერცხი - 30 გრ
ინგრედიენტები კრემისთვის
  • თეთრი შოკოლადი - 140 გრ
  • თხევადი ნაღები - 140 მლ
  • ჟოლო - 200 გრ
ინგრედიენტები მასკარპონეს კრემისთვის
  • მასკარპონე - 50 გრ
  • თხევადი ნაღები - 150 მლ
  • შაქარი - 20 გრ
  • ვანილი - 1 ცალი
მომზადების წესები

მასკარპონეს კრემი:

მასკარპონე ათქვიფეთ 2კოვზ ნაღებთან ერთად და ნელ-ნელა დაამატეთ დანარჩენი ნაღები, შაქარი, ვანილი. კრემი უნდა იყოს მყარი. ჩადეთ სილიკონის ფორმაში და გაყინეთ.

ტარტი:

ფქვილი და შაქარი აურიეთ, დაამატეთ კარაქი, შემდეგ კვერცხი და მოზილეთ ცომი. გააბრტყელეთ 3მმ სისქეზე და გადაიტანეთ ფორმაში. ნახევარი საათით შედგით მაცივარში. გამოაცხვეთ 170გრადუსზე, 30 წუთით.

თეთრი შოკოლადის კრემი: 

ნაღები გააცხელეთ და დაამატეთ დაჭრილი შოკოლადი. კარგად აურიეთ (შოკოლადის) გადნობამდე.

ტარტის აწყობა:

ტარტზე დააასხით თბილი შოკოლადის კრემის ნახევარი, დააწყვეთ შუაზე გაჭრილი ჟოლო და დაამატეთ შოკოლადის კრემის მეორე ნახევარი. გააცივეთ და ზემოდან დაადეთ მასკარპონეს კრემი.