ყველა, ვისაც პეპი უყვარს, ამ ფუმფულა მაჭკატებს ხუთშაბათობით აკეთებს
ყველა, ვისაც პეპი უყვარს, ამ ფუმფულა მაჭკატებს ხუთშაბათობით აკეთებს
დრო 0წთ
ულუფა 0
სირთულე მარტივი
შეინახე რეცეპტი

-„...ახლა ხომ წვიმს, პეპი, - გაუკვირდა ტომის, 
- წვიმის დროს ვინ რწყავს ყვავილებს?
 -მე ვრწყავ,-უპასუხა პეპიმ-მე იქნებ მთელი ღამე გავათენე იმაზე ოცნებაში, დილას როგორ მოვრწყავდი ყვავილებს და ამ ქეციანი წვიმის გამო ოცნება ვერ უნდა ავისრულო?“
პეპილოტა ვიქტუალინა როლგარდინა ეფრაიმსდოტერ გრძელიწინდას, უფრო მოკლედ, პეპი გრძელიწინდას ხიფათითა და მხიარულებით სავსე ისტორიები ბევრი ჩვეგნანისთვის, ალბათ, დღემდე დაუვიწყარია. ასტირდ ლინდგრენის მიერ შექმნილი ამ თავნება და უშიშარი გოგოს სამშობლო შვედეთია და იცოდით, რომ პეპის საყვარელ მაჭკატებს ამ ქვეყანაში, ტრადიციულად, ხუთშაბათობით მიირთმევენ?
გთავაზობთ ფუმფულა მაჭკატების მარტივ და უგემრიელეს რეცეპტს:

ინგრედიენტები

  • კვერცხი - 2 ცალი
  • ფქვილი - 1.4 ჭიქა
  • რძე - 2.5 ჭიქა
  • მარილი 1/2 ჩკ
  • შაქარი - 1 ჩკ
  • კარაქი - 2 სკ
ინგრედიენტები გასაფორმებლად
  • შოკოლადი
  • ლიმონი
  • შაქარი
მომზადების წესები


საშუალო ზომის თასში ათქვიფეთ კვერცხი და ნელ-ნელა შეურიეთ ფქვილი, სანამ არ მიიღებთ შესქელებულ მასას. დაუმატეთ რძე და გაუჩერებლად ურიეთ. ცომს უნდა ჰქონდეს მსუბუქი, კრემისებური კონსისტენცია. ამის შემდეგ, მიღებულ მასას დაუმატეთ მარილი, შაქარი და გამდნარი კარაქი და  კვლავ კარგად მოურიეთ. 
 

შეათბეთ ტაფა დაბალ ცეცხლზე ცოტაოდენი კარაქით. გაითვალისწინეთ, რომ ცომში უკვე გამოიყენეთ ცხიმი და ნუ დაამატებთ ტაფაზე მას დიდი რაოდენობით. გაცხელებულ ზედაპირზე მოათავსეთ, დაახლოებით, 2 სუფრის კოვზი ცომი და დაატრიალეთ ტაფა ისე, რომ ცომმა მიიღოს მრგვალი ფორმა. აცხვეთ მანამ, სანამ ცომი არ გახდება ღია ყავისფერი შეფერილობის, შემდეგ კი ფრთხილად გადმოატრიალეთ მეორე მხარეს. გამომცხვარი მაჭკატები გააცალკევეთ, რომ გაგრილდეს და ამის შემდეგ გასაფორმებლად, თქვენი სურვილისამებრ, გამოიყენეთ ჯემი, შოკოლადი, თაფლი... და არ დაგავიწყდეთ, რომ არასდროს თქვათ უარი ოცნებებზე!