„ჩემი საგვარეულო რეცეპტია, ეს არის იდეალური იდეალი“ – დალი ჩიტალაძის სადღესასწაულო ნამცხვრის რეცეპტი
„ჩემი საგვარეულო რეცეპტია, ეს არის იდეალური იდეალი“ – დალი ჩიტალაძის სადღესასწაულო ნამცხვრის რეცეპტი
დრო 0წთ
ულუფა 0
სირთულე მარტივი
შეინახე რეცეპტი

დალი ჩიტალაძემ გადაწყვიტა იდეალური იდეალის რეცეპტი თავისი იუთუბარხის მაყურებლისთვის გაეზიარებინა, რეცეპტს უცვლელად გთავაზობთ.

ინგრედიენტები

ინგრედიენტები ფირფიტებისთვის
  • კვერცხის გული - 8 ცალი
  • შაქრის ფხვნილი - 300 გრ
  • რბილი კარაქი - 150 გრ
  • ნიგოზი, გატარებული - 200 გრ
  • თაფლი - 2 სკ
  • კონიაკი - 4 სკ
  • გამაფხვიერებელი - 10 გრ
  • ლიმონის წვენი - 1 სკ
  • ვანილი - 4 გრ
  • ფქვილი - 600 გრ
ინგრედიენტები კრემისთვის
  • რბილი კარაქი - 400 გრ
  • შესქელებული რძე - 5 ქილა
  • ნიგოზი, გატარებული - 200 გრ
  • მოხალული ნიგოზი - 200 გრ
  • ვანილი - 4 გრ
  • კონიაკი - 5 გრ
მომზადების წესები

 

გათქვეფილ კვერცხის გულსა და შაქარს დაამატეთ 150 გრ რბილი კარაქი. ჩაყარეთ 200გრ გატარებული ნიგოზი, 10გრ გამაფხვიერებელი და 1 სკ ლიმონი. 2 სკ თაფლი  და ვანილი. ბოლოს, 3 ჭიქა ფქვილი. მიიღებთ სქელ მასას. გაყავით 3 ნაწილად.

მოათავსეთ საცხობ ფორმაზე საცხობი ქაღალდი და წაუსვით კარაქი, მოაყარეთ ფქვილი და თანაბრად გადაანაწილეთ ცომი (ხელით გააბრტყელეთ).  გამოაცხვეთ 180 გრადუსზე, იყავით ყურადღებით, რადგან ცხვება ძალიან სწრაფად, 10 წუთიც კი საკმარისია. მოაჭერით ზედმეტი ცომი და მოგვიანებით გამოიყენეთ მოსაყრელად.

სანამ გამოცხვება შემდეგი ფირფიტა, მოამზადეთ კრემი. მოაყარეთ ვანილი კარაქს და კარგად ათქვიფეთ, ჩაასხით 3–4 სკ კონიაკი, 200 გრ გატარებული ნიგოზი, მუქი შესქელებული რძე.

მოხალეთ 200 გრ ნიგოზი, დაბალ ცეცხლზე, გაატარეთ და დაუმატეთ კრემს.  უნდა გამოვიდეს სქელი და ფუმფულა. რაც მთავარია, საჭიროა ნიგოზის ზუსტად ეს რაოდენობა, სხვა შემთხვევაში კრემი ასეთი ფაფუკი აღარ გამოვა.

დაიწყეთ მორთვა. წაუსვით თითოეულ ფენას კრემი, რაც შეიძლება დიდი რაოდენობით. ბოლო ფენას მოაყარეთ დაფხვნილი ცომი და ნიგოზი. შეახვიეთ სამზარეულოს ცელოფანში და მოათავსეთ მაცივარში, მინიმუმ 20 საათის განმავლობაში.