მანანის ბურღულის უხრამუნესი ორცხობილები
მანანის ბურღულის უხრამუნესი ორცხობილები
დრო 0წთ
ულუფა 0
სირთულე მარტივი
შეინახე რეცეპტი

ვიხელმძღვანელე უსაყვარლესი, უმშვენიერესი და ოქროს ხელება ზიზი ბერაიას რეცეპტით. მცირედი ცვლილება შევიტანე რეცეპტში და დავუმატე 3ს/კ მაწონი.გამოვიდა უგემრიელესი, უხრამუნესი და უნაზესი სასუსნავი,მართლაც,რომ პირში დნება - ნინო მუმლაძე.

ინგრედიენტები

  • კვერცხი - 2 ცალი
  • მანანის ბურღული - 350 გრ
  • ვანილი
  • შაქარი - 100 გრ
  • ლიმონის ცედრა
  • მწიკვი მარილი
  • გამაფხვიერებელი - 1 ჩკ
  • ზეთი - 100 მლ
  • მწიკვი სოდა
  • შაქრის პუდრა
  • შაქარი
  • კაკაო
მომზადების წესები

მანანის ბურღულს დაამატეთ გამაფხვიერებელი და კარგად აურიეთ. ცალკე ჯამში კვერცხს დაამატეთ მარილი, მწიკვი სოდა, ვანილი, ლიმონის ცედრა, შაქარი, ოდნავ ათქვიფეთ, შემდეგ დაამატეთ ზეთი და მანანის ბურღული-გამაფხვიერებლით.

მზა ცომს დააფარეთ საკონდიტრო პარკი და მოათავსეთ მაცივარში მინიმუმ 2 საათით, მანანის ბურღილული გაფუვდება და სასურველი სიმკვრივის გახდება ცომი. (შეგიძლიათ ცომი მოამზადოთ წინა დღით)

მზა ცომი დაყავით კაკლისოდენა გუნდებად. (დასჭირდება 1 ჩ/კ ცომი)

 თითოეული გუნდა ამოაგუნდავეთ ჯერ შაქარში, შემდეგ შაქრის პუდრაში და დაალაგეთ პერგამენტიან საცხობ ლანგარზე, აუცილებლად შორი შორ.

ასევე მოამზადეთ კაკაოთი - ჯერ შაქარში და შემდეგ კაკაოში. გაითვალისწინეთ, ცხობისას 2-ჯერ იმატებს ზომაში. გამოაცხვეთ 180 გრადუსამდე გახურებულ ღუმელში, 10 -12 წუთით. მზა ორცხობილები დატოვეთ საცხობ ლანგარზე, სანამ არ შეგრილდება.

ისეთი ფხვიერი და გემრიელი გამოდის აუცილებლად უნდა მოამზადოთ.

 

ტეგები:
ნანახია: 559