აპეტაიზერი მირიან სულაკაურის რეცეპტით
აპეტაიზერი მირიან სულაკაურის რეცეპტით
დრო 0წთ
ულუფა 0
სირთულე მარტივი
შეინახე რეცეპტი

ინგრედიენტები

ინგრედიენტები ჭვიშტარის კონუსისთვის
  • ქუმელი - 100 გრ
  • შებოლილი სულუგუნი - 100 გრ
  • სიმინდის მარცვლები - 50 გრ
  • მზესუმზირის ზეთი - 20 გრ
  • მარილი
ინგრედიენტები ჯონჯოლის კრემისთვის
  • ჯონჯოლი - 150 გრ
  • კახური ზეთი - 100 გრ
  • წითელი ხახვი - 50 გრ
  • კრემყველი - 100 გრ
  • რბილი კარაქი - 80 გრ
  • ლაიმი - 1 ცალი
ინგრედიენტები ღრუბელის ბისკვიტისთვის
  • კვერცხი - 2 ცალი
  • ფქვილი - 30 გრ
  • შაქარი - 5 გრ
  • მარილი - 2 გრ
დანარჩენი ინგრედიენტები
  • მწვანე ვაშლი - 40 გრ
  • რაჭული ლორი - 40 გრ
  • წიწმატი - 150 გრ
მომზადების წესები

წიწმატის თივისთვის გარეცხეთ და ქაღალდით გაამშრალეთ, ღუმელში 110 გრადუსზე გამოაშრეთ 30-35 წუთით, რაჭული ლორი დაჭრით ძალიან თხელ ნაჭრებად, საცხობ ქაღალდებს შორის მოაქციეთ, ზემოდან სიმძიმე დაადეთ და წიწმატთან ერთად დააჩიფსეთ ღმელში, 110 გრადუსზე, 30-35 წუთით.

ჭვიშტარის კონუსისათვის, ქერის ფქვილი მოხალეთ და გააგრილეთ, დაუმატეთ ჭყინტ,ი ტკბილი სიმინდის მარცვლები, ჩახეხილი შებოლილი სულგუნი ( მეტწილ კანის ნაწილებს რომ მეტად ინტენსიური არმომატი ქონდეს), ზეთი, მარილი და წყალი რამდენსაც შეიზელს. საცხობი ქაღალდისაგან გააკეთეთ კონუსის ფორმები, დაპრესეთ ჭვიშტარის მასა და გული ამოაცალეთ, ჩადეთ შიგნით ფოლგა რომ გამოცხობისას შეინარჩუნოს ფორმა. ღუმელში გამოაცხვეთ 150 გრადუსზე, 15 წუთით და შემდგომ გაუწიეთ ღუმელს 170 გრადუსზე და გამოაცხვეთ 15 წუთით. გააგრილეთ, ყალიბიდან ამოიტანეთ და შიგნიდან ზედმეტი ჭვიშტარის მასა მოაცილეთ.

ჯონჯოლის კრემისთვის, ჯონჯოლი, კახური ზეთი და წითელი ხახვი ხელის ბლენდერით დააბლენდერეთ, წვრილ ბადეში გაატარეთ რომ უხეში ნაწილები არ გაყვეს. კარაქი ათქვიფეთ რომ გაჰაეროვნდეს, შემდგომ ათქვიფეთ კრემყველი და დაუამატეთ ჯონჯოლის დაბლენდერებულ მასა, დაუმატეთ ოდნავ მარილი და ლაიმის ცედრა არომატისთვის.

ღრუბელის ბისკვიტისთვის, კვერცხი ათქვიფეთ ყველა იგრედიენტთან ერთად და გადაიტანეთ სიფონის აპარატში, გაზეთ 4 კაფსულით, შეანჯღრიეთ და დაელოდეთ 5 წუთით, შემდგომ ერთჯერად ჭიქაში ჩაასხით ნახევრამდე და მიკროტალღურ ღუმელში გამოაცხვეთ 50 წამით, 400 ვატის სიმძლავრეზე, გააგრილეთ და გამოტანეთ ყალიბიდან.

მწვანე ვაშლი დაჭერით ჩხირებად და ცივი შებოლვის მეთოდით შებოლეთ და გააჩერეთ ბოლში 5 წუთით.

თეფშზე გაშალეთ წიწმატის თივა, ღუბელის ბისკვიტის ნატეხები, ჭვიშტარის კონუსი შეავსეთ ჯონჯოლის კრემით და დაადეთ ზემოდან. დაუმატეთ რაჭული ლორის ჩიფსები და შებოლილი მწვანე ვაშლი.