მთავარი კერძი მირიან სულაკაურისაგან – თეთრი ლობიოს მუსითა და დამარინადებული ხახვით
მთავარი კერძი მირიან სულაკაურისაგან – თეთრი ლობიოს მუსითა და დამარინადებული ხახვით
დრო 0წთ
ულუფა 0
სირთულე მარტივი
შეინახე რეცეპტი

ინგრედიენტები

ინგრედიენტები დემიგლასის სოუსისთვის
  • საქონლის ძვლები - 1 კგ
  • სტაფილო - 200 გრ
  • ნიორი - 1 თავი
  • ხახვი - 2 თავი
  • ბარბექიუს სოუსი - 60 გრ
  • ვოჩესტერის სოუსი - 50 გრ
  • მარილი
  • საფერავი - 100 გრ
  • სიმინდის სახამებელი - 10 გრ
ინგრედიენტები შებოლილი ზეთის ემულსიისთვის
  • მზესუმზირის ზეთი - 200 გრ
  • შებოლილი სულუგუნი - 80 გრ
  • კვერცხი - 2 ცალი
  • მარილი
  • ნაკვერჩხალი - 5 ნატეხი
ინგრედიენტები თეთრი ლობიოს მუსისთვის
  • თეთრი ლობიო - 200 გრ
  • რძე - 500 გრ
  • ნაღები - 100 გრ
მომზადების წესები

იხვის მკერდს მოაცალეთ კანი, ამოავლეთ მარილსა და პილპილში, დატოვეთ 10 წუთით და ტაფაზე მობრაწეთ ორივე მხრიდან, ისე რომ საშუალო დონეზე მიიყვანოთ.

იხვის კანი საცხობ ქაღალდზე გაშალეთ, ზემოდან საცხობი ქაღალდი დააფარეთ, დაადეთ სიმძიმე და ღუმელში გამოაცხვეთ 20-25 წუთით, 170 გრადუსზე.

დემიგლასისთვის ყველა პროდუქტი გარეცხეთ კარგად, უხეშად დაჭერით და ღუმელში მობრაწეთ საქონლის ძვლებთან ერთად, მაღალ გრადუსზე, შემდგომ გადაიტანეთ ქვაბში და დაასხით წყალი ისე, რომ ზუსტად დაფაროს, დაუმატეთ ბარბექიუს სოუსი, ვოჩესტერის სოუსი და ოდნავ მარილი, მოადუღეთ საათნახევარი და გაწურეთ. გადაწურულ მასას დაუმატეთ საფერავი და იხვის კანიდან გამოსული ცხიმი, მოადუღეთ რომ მიიღოთ რედუქცია და სახამებლით გაასქელეთ.

თეთრი ლობიოს მუსისთვის, თეთრი ლობიო მოხარშეთ რძეში და როდესაც მოიხარშება დააბლენდერეთ ნაღებთან და კარაქთან ერთად, დაამატეთ მარილი და გადაიტანეთ სიფონის აპარატში, მოგაზეთ 4 კაფსულით.

დამარინადებული ხახვისთვის, ჟოლო და ძმარი დააბლენდერეთ და წვრილ ბადეში გაატარეთ რომ უხეში ნაწილები არ გაყვეს, ხახვი გაასუფთავეთ, გაჭერით შუაზე და განცალკევებული ხახვის ფენები დაამარინადეთ ამ მასაში.

შებოლილი ზეთის ემულსიისთვის, ზეთი ჩაასხით ქვაბში, ნაკვერჩხალი გაახურეთ, ჩააწყვეთ ზეთში და გააჩერეთ 10-15 წუთით, შემდეგ წვრილ ბადეში გაფილტრეთ და გააცივეთ. ხელის ბლენდერით კვერცხის გული ათქვიფეთ და ნელ-ნელა დაუმატეთ შებოლილი ზეთი, რომ შესქელდება მასას დაუმატეთ წვრილად ჩახეხილი შებოლილი სულგუნი და ისევ დააბლენდერეთ სანამ ერთგვაროვან სქელ მასას არ მიიღებთ, დაუმატეთ მარილს.

კერძის აწყობისას სიფონიდან დაასხით თეთრი ლობიოს მუსს შუაში, ჩადეთ იხვის მკერდის ნაჭერი, ცალკე შებოლილი ზეთის ემულსიაზე სეგმენტებად დაააწყვეთ იხვის კანის ჩიფსი, ჟოლოში დამარინადებული ხახვი და ასევე შაქარმოყრილი მობრაწული მანდარინი. სოუსი მოაასხით მირთმევისას.