გამარჯვებული დესერტიის რეცეპტი მირიან სულაკაურისაგან
გამარჯვებული დესერტიის რეცეპტი მირიან სულაკაურისაგან
დრო 0წთ
ულუფა 0
სირთულე მარტივი
შეინახე რეცეპტი

ინგრედიენტები

ინგრედიენტები ფუჩეჩის მერინგისთვის
  • ფუჩეჩის პუდრი - 42 გრ
  • კვერცხი - 3 გრ
  • შაქარი - 170 გრ
  • სიმინდის სახამებელი - 5 გრ
  • ძმარი - 5 გრ
ინგრედიენტები სიმინდის კრემისთვის
  • სიმინდის მარცვლები - 200 გრ
  • რძე - 160 გრ
  • ნაღები - 180 გრ
  • შაქარი - 1 სკ
  • მარილი - 1 ჩკ
ინგრედიენტები სიმინდის მუსისთვის
  • ნაღები - 80 გრ
  • სიმინდის კრემი - 80 გრ
  • მასკარპონე - 50 გრ
ინგრედიენტები ტყემლის მურაბისთვის
  • ტყემალი - 500 გრ
  • შაქარი - 200 გრ
  • დაღერღილი წიწაკა - 5 გრ
  • ლაიმი - 1 ცალი
  • მარილი - 2 გრ
მომზადების წესები

ფუჩეჩის მერინგასთვის, ფუჩეჩი შესვით ღუმელში 150 გრადუსზე, სანამ არ გამოშრება და ფერს არ შეიცვლის, შემდგომ დააბლენდერეთ და პუდრად აქციეთ.

სადგამ მიქსერში, საშუალო სიჩქარეზე, ათქვიფეთ ოთახის ტემპერატურის კვერცხის ცილა, გათეთრებას რომ დაიწყებს ცილა ნელ–ნელა დაუმატეთ შაქარი, ათქვიფეთ სანამ კარგად არ შემაგრდება, შემდგომ გამორთეთ და შპატულით გადაურიეთ ფუჩეჩის პუდრი, სახამებლი და ძმარი შევურიოთ ერთმანეთს და ამ მასის 5 გრამიც გადაურიეთ, გადაიტანეთ ტომარაში და საცხობ ქაღალდზე დასვით მრგვალ ფორმებად, გამოაცხვეთ ღუმელში 120 გრადუსზე, 1 საათით.

სიმინდის კრემისთვის, სიმინდის მარცვლებს დაასხით რძე და საშუალო ცეცხლზე გააშრეთ 10 წუთით, შემდგომ დაუმატეთ მარილი, შაქარი, ნაღები და გააგრძელეთ ხარშვა, სანამ კარგად არ შესქელდება, დააბლენდერეთ, წვრილ ბადეში გაატარეთ და გააცივეთ.

სიმინდის მუსისთვის, ნაღები ათქვიფეთ და ცალკე ჯამში სიმინდის კრემი და მასკარპონე გადათქვიფეთ ერთმანეთში. ფრთხილად შეურიეთ ამოთქვეფილი ნაღები, გადაიტანეთ სიფონის აპარატში და დაგაზეთ 4 კაფსულით.

ტყემლის მურაბისთვის, ტყემალი გაასუფთავეთ კურკებისგან და ქვაბში ჩასვით, დაუმატეთ შაქარი, დაღერღილი წიწაკა, მარილი, ლაიმის ცედრა და ლაიმის ფრეში. წამოადუღეთ.

გასაფორმებლად სიმინდის ულვაშები შეწვით ზეთის აბაზანაში და როდესაც ამოიღებთ გაშალეთ და მოაყარეთ შაქრის პუდრა.