სახელდახელო ლობიანი ტაფაზე, რომელიც საოცრად სწრაფად მზადდება
სახელდახელო ლობიანი ტაფაზე, რომელიც საოცრად სწრაფად მზადდება
დრო 0წთ
ულუფა 0
სირთულე მარტივი
შეინახე რეცეპტი

მზია ახვერდაშვილის რეცეპტი.

ინგრედიენტები

  • ხმელი ლობიო
  • ხახვი
  • მარილი და პილპილი გემოვნებით
  • ფქვილი
  • საფუარი
  • წყალი
მომზადების წესები

ხმელი ლობიო მოვხარშე და  გადავიტანე საწურზე. წვენი შევინახე. სანამ დაიწურა ლობიო, ზეთში ბლომად მოვშუშე დაჭრილი ხახვი. შემდეგ ხორცსაკეპში გავატარე ლობიო და მოშუშული ხახვიც, ერთი მასა მივიღე. შევანელე დაფქვილი წიწაკით, პილპილით და მარილით, გავაზავე ლობიოს ნახარში წვენით სასურველ სისქემდე.

მოვზილე საფუარიანი ცომი: ხორბლის ფქვილით, ფხვიერი საფუარით და თბილი, სუსტი მარილწყლით, ბოლოს ჩავზილე ზეთიანი ხელით და დავდგი ასაფუებლად.

ცომი რომ გაფუვდა, ამოვიღე პატარა გუნდები, ჩავუდე გამზადებული ლობიოს გული,  მოვახვიე, გავაბრტყელე ტაფის ზომაზე და გამოვაცხე გაზქურაზე. გამომცხვარ ლობიანებს ორივე მხრიდან გადავუსვი მარგარინი (კარაქი). 

ტეგები:
ლობიანი ნანახია: 1421