გაახარეთ ბავშვები ვილი ვონკას შოკოლადის სიურპრიზით, რომელსაც უცებ მოამზადებთ
გაახარეთ ბავშვები ვილი ვონკას შოკოლადის სიურპრიზით, რომელსაც უცებ მოამზადებთ
დრო 0წთ
ულუფა 0
სირთულე მარტივი
შეინახე რეცეპტი

„ბაბუა ჯო და ჩარლი თითქმის მირბოდნენ, რომ მისტერ ვონკას არ ჩამორჩენილიყვნენ, მაგრამ იმ მრავალრიცხოვან კარებს რომ ჩაურბინეს, ერთი წარწერა არ დარჩენიათ წაუკითხავი. კარზე ეწერა: საჭმელად ვარგისი მარმელადის ბალიშები, სალოკი შპალერი ბაგა-ბაღებისათვის, ცხელი ნაყინი ცივი დღეებისათვის…” როალდ დალი ყველასთვის საყვარელ ნაწარმოებში „ჩარლი და შოკოლადის ქარხანა“ იისარომატიანი მარმალადის, საღეჭი რეზინისა თუ ჰაეროვანი ტკბილეულის დაუვიწყარ გემოებს გვთავაზობს. ალბათ არაერთხელ გიოცნებიათ ბავშვობაში დაბრუნებასა და ბებიისა თუ დედის მომზადებული საყვარელი ნუგბარის დაგემოვნებაზე. ვილი ვონკას შოკოლადის სიურპრიზი სწორედ რომ დროში გამოგზაურებთ.

ინგრედიენტები

  • ნიგოზი, ჩირი, ნუში, თხილი, ქიშმიში, სიმინდის ბურბუშელა - 400 გ
  • კრეკერი - 100 გ
  • თაფლი - 200 გ
  • შოკოლადი - 1 ფილა
  • კარაქი - 2 სკ
  • ვანილი
მომზადების წესები

ღრმა ტაფა დადგით დაბალ ცეცხლეზე. ჩაასხით 200 გრამი თაფლი და გააჩერეთ მანამ, სანამ მუქი ოქროსფერი არ გახდება. თაფლი არც უნდა აქაფდეს და არც უნდა ადუღდეს. თხილეული დაჭერით თქვენთვის სასურველ ზომებად და კრეკერთან ერთად მოათავსეთ ტაფაზე. კარგად ურიეთ, შემდეგ კი დაამატეთ ვანილი. გადმოიღეთ ტაფიდან და გააბრტყელეთ. მას შემდეგ, რაც გაცივდება, დაჭერით ოთხკუთხედებად. ორთქლის აბაზანაზე გაადნეთ 1 ფილა შოკოლადი და დაუმატეთ 2 სუფრის კოვზი კარაქი. მიღებულ მასაში ამოავლეთ დაჭრილი ნუგბარი, დაელოდეთ გაციებას და გემრიელად მიირთვით.