20 წელია ასე ვამზადებ, ბევრი მთხოვს რეცეპტს... - გოზინაყის რეცეპტი უტყუარი შედეგით
20 წელია ასე ვამზადებ, ბევრი მთხოვს რეცეპტს... - გოზინაყის რეცეპტი უტყუარი შედეგით
დრო 0წთ
ულუფა 0
სირთულე მარტივი
შეინახე რეცეპტი

„მაშ ასე, ტრადიციული გოზინაყი რომელსაც ალბათ 20 წელია ასე ვამზადებ “ – მანანა კორაშვილი. გემრიელიას ფეისბუქჯგუფის წევრი გვიზიარებს უგემრიელესი გოზინაყის რეცეპტს. მკითხველების რეცეპტების სანახავად, ეწვიეთ ჯგუფს. 

ინგრედიენტები

  • მოხალული ნიგოზი - 4 ჭიქა
  • თაფლი - 1 ჭიქა
  • შაქარი - 1 სკ
მომზადების წესები

4 ჭიქა მოხალულ დათლილ ნიგოზს დაამატეთ 1 ჭიქა თაფლი და 1 ს.კ. შაქარი ( კნატუნა რომ გამოვიდეს მიტომ ვუმატებთ შაქარს ) თქვენ თუ არ გინდათ, არ დაუმატოთ. ჩაასხით თაფლი სქელძირიან ქვაბში ან ტაფაში და გააცხელეთ, შემდეგ გამორთეთ და გააცივეთ, ასე გააკეთეთ 3 - ჯერ. თუმცა, ერთხელაც რომ კარგად გააციოთ, იმავე შედეგს მიიღებთ. მთავარია თაფლი ნელ ცეცხლზე ადუღოთ, 10- 15 წუთით განუწყვეტელვ მორევით.

თაფლს დუღილის დროს დაუმატეთ 1 კოვზი შაქარი და ადუღეთ ძალიან ნელ ცეცხლზე, მოურიეთ ხის კოვზით. ბოლოს ჩაყარეთ წინასწარ მოხალული, კანგაცლილი და დაჭრილი ნიგოზი. ( თუ ნიგოზი შავი გამოდგა, სათითაოდ გააცალეთ კანი და ისე დაჭერით რომ გათეთრდეს) თაფლი, რომელშიც ჩაყარეთ ნიგოზი, ზუსტად 5 წუთით კიდევ დადგით ნელ ცეცხლზე და მოურიეთ ხის კოვზით. ბოლოს გადმოიტანეთ მასა სველ ფიცარზე. ცივი წყლით დასველებული ხელებით ოდნავ გააბრტყელეთ, შემდეგ კი ცომის საბრტყელებელით გააბრტყელეთ თქვენთვის სასურველ სისქეზე. ამ შემთხევაში, 2 სმ–ის ზომაზე არის დაჭრილი. დაჭერით მაშინვე, რადგან გაციებული გოზინაყის დაჭრა არის ძნელი.