წლების განმავლობაში ამ რეცეპტით აცხობდნენ იდეალს საქართველოში - ჟურნალ ,,გემრიელიას'' რედაქტორის იდეალური იდეალი
წლების განმავლობაში ამ რეცეპტით აცხობდნენ იდეალს საქართველოში - ჟურნალ ,,გემრიელიას'' რედაქტორის იდეალური იდეალი
დრო 0წთ
ულუფა 0
სირთულე მარტივი
შეინახე რეცეპტი

ტრადიციული რეცეპტია, რომლითაც წლების განმავლობაში აცხობდნენ ამ ნამცხვარს საქართველოში, მაგრამ შემდეგ გემოვნება ნაზი სტრუქურის მედოვიკისკენ გადაიხარა – ამბობს ჟურნალ „გემრიელიას“ რედაქტორი ქეთი ადეიშვილი. ეს და სხვა საინტერესო რეცეპტები „გემრიელიას“  2021 წლის თებერვლის ნომერში გელოდებათ.

ინგრედიენტები

  • გატარებული ნიგოზი - 1.5 ჭიქა
  • თაფლი - 2 სკ
  • შაქარი - 1 ჭიქა
  • კვერცხი - 2 ცალი
  • ფქვილი - 300 გრ
  • მწიკვი მარილი
  • სოდა - 0.5 ჩკ
  • ძმარი - 1 სკ
ინგრედიენტები კრემისთვის
  • დარბილებული კარაქი - 150 გრ
  • მოხარშული შესქელებული რძე - 1 ქილა
  • დაფქული ნიგოზი - 1.5 ჭიქა
  • მწიკვი ვანილი
მომზადების წესები

კვერცხი და შაქარი გათეთრებამდე ათქვიფეთ, დაუმატეთ ნიგოზი, თაფლი, სოდა ძმრით და ფქვილი. მიღებული მასა სამ ნაწილად გაყავით და თითოეული საცხობ ქაღალდზე გადაანაწილეთ ან დანით, ან ფქვილიანი ხელებით. ცომი თხელია და არ გაბრტყელდება. ცხვება 3-5 წუთში, 200 გრადუსზე გახურებულ ღუმელში, სანამ მუქი ოქროსფერი გახდება, შემდეგ ფენებს მოაშორეთ ქაღალდი და შეაგრილეთ.

ამასობაში, კარაქი ათქვიფეთ და შეათქვიფეთ შესქელებული რძე და ვანილი. ბისკვიტები ერთმანეთზე დააწყვეთ და ბასრი დანით გვერდები ჩამოაჭერით. ჩამონაჭრები წვრილად დაფქვით. ნამცხვრის ფენას წაუსვით 1/3 კრემი, მოაყარეთ ნიგოზი, ასე მოამზადეთ დანარჩენი ორი ფენაც. ბოლოს, კრემი წაუსვით როგორც ზედაპირზე, ისე გვერდებზე. მოაყარეთ ნიგოზი და დაფხვნილი ბისკვიტი. ნამცხვარი მთელი რამით გააჩერეთ ოთახის ტემპერატურაზე, რომ კრემი კარგად გაუჯდეს. გამოდის 12-14 ნაჭერი.