ნახევრად ფენოვანი ცომი ხაჭაპურისთვის, ლობიანისთვის, კრუასანისთვის და ა. შ.
ნახევრად ფენოვანი ცომი ხაჭაპურისთვის, ლობიანისთვის, კრუასანისთვის და ა. შ.
დრო 0წთ
ულუფა 0
სირთულე მარტივი
შეინახე რეცეპტი

ეს არის საოცრება ცომი, რომლის მეშვეობითაც შეგიძლიათ მოამზადოთ ძალიან ბევრი საინტერესო კერძი, დესერტი თუ სამხარი: ფენოვანი ხაჭაპური⁣, ნახევრად ფენოვანი ხაჭაპური⁣, ფენოვანი ღვეზელი⁣, დარიჩინის რგოლები⁣, კრუასანი⁣, კურნიკი⁣, ხორცის ღვეზელი⁣, ფენოვანი ლობიანი⁣.

 

რეცეპტის ავტორი: თქვენი სამზარეულო

ინგრედიენტები

  • თბილი წყალი - 250 მლ
  • საფუარი - 1 სკ
  • მარილი - 1 ჩკ
  • შაქარი - 1 სკ
  • ძმარი - 1 სკ
  • არაყი - 1 სკ
  • ზეთი - 1 სკ
  • კვერცხი - 1 ც
  • ფქვილი - 3 ჭიქა (250-იანი)
  • მარგარინი - 250 გ
მომზადების წესები

აქვე ვიტყვი, რომ ამ ცომის შენახვა შეგიძლიათ მაცივარში 3-4 დღის განმავლობაში და საყინულეში - 3 თვემდე⁣.


1. თბილ წყალში ჩავყაროთ საფუარი და შაქარი, დავტოვოთ 10-15 წუთის განმავლობაში სანამ საფუარი არ დაიწყებს  რეაქციას. შემდეგ ამ წყალში დავამატოთ კვერცხი, მარილი, ძმარი და არაყი, მოვურიოთ და დავუმატოთ ფქვილი.მოვზილოთ რბილი ცომი.⁣
2. შევაზილოთ ზეთი, ჩავდოთ ცომი პარკში და დავასვენოთ მაცივარში 25-30 წუთი. ცომი აფუვდება.⁣
3. შემდგომ აფუებული ცომი გავაბრტყელოთ, წავუსვათ მარგარინის 1/3, ჩავკეცოთ ისე, როგორც ვიდეოშია ნაჩვენები და შევდგათ საყინულეში 30 წუთით.⁣
4. დროის ამოწურვის შემდეგ გავიმეოროთ მარგარინის წასმა, ისევ ჩავკეცოთ და ისევ შევდგათ საყინულეში 25-30 წუთით⁣
5. აუცილებლად უნდა გავაკეთოთ ეს ყველა მანიპულაცია მესამე ჯერზეც, ისევ ვდებთ საყინულეში, და 15-20 წუთში ცომის გამოყენება შესაძლებელია.

ცომის წონა 1200 გ⁣

ტეგები:
ფენოვანი ცომი ნანახია: 2210