ფორთოხლის კანის მურაბა - მოამზადეთ, სანამ ციტრუსის სეზონია და დატკბით თავბრუდამხვევი არომატით
ფორთოხლის კანის მურაბა - მოამზადეთ, სანამ ციტრუსის სეზონია და დატკბით თავბრუდამხვევი არომატით
დრო 0წთ
ულუფა 0
სირთულე მარტივი
შეინახე რეცეპტი

საოცარი სურნელისა და გემოს მქონე მურაბა, რომელიც არავის დატოვებს გულგრილს. მითუმეტეს, რომ ეს რეცეპტი ჩვენმა ფეისბუქჯგუფის წევრმა – ლეილა გაგნიძემ გაგვიზიარა. შემოგვიერთდით და გაგვიზიარეთ თქვენი კულინარიული შედევრები. 

ინგრედიენტები

  • ფორთოხალი - 4 ცალი
  • შაქარი - 500 გრ
  • წყალი
მომზადების წესები

4 ცალი ფორთოხალი ( საშუალოზე დიდი ზომის ) სქელ კანიანი, გარეცხეთ, გაამშრალეთ კარგად და შემოაცალეთ გარედან ცედრა, წვრილი სახეხის გამოყენებით, შემდეგ განაცალკევეთ ნაყოფისაგან კანი, ნახევარმთვარის ფორმით, შემდეგ დაახვიეთ რულეტივით და სათითაოდ შეკარით ხის ჩხირით.

ჩაალაგეთ შესაბამისი ზომის ქვაბში, დაასხით ცივი წყალი და ადუღეთ დაახლოებით 10-15 წუთით.

შემდეგ გადაწურეთ და დააცადეთ რომ კარგად დაიწუროს.

ცალკე ქვაბში, ჭიქა ნახევარ წყალში, ან შეგიძლიათ წყლის რაოდენობა გაზარდოთ კიდეც, ჩაყარეთ 500 გრ შაქარი და როდესაც ადუღდება ჩაამატეთ კარგად დაწურული ფორთოხალი.

ჩაწურეთ ნახევარი ლიმონის წვენი და ადუღეთ სანამ არ მიიღებთ სასურველი სისქის სიროფს. ქილაში მოთავსებისას ფრთხილად მოაცალეთ ჩხირები. შეგიძლიათ აგრეთვე აასხათ ძაფზე ჩხირების ნაცვალად და ისე მოამზადოთ. ცედრა კი მოათავსეთ საყინულეში და ნამცხვრისთვისა და კექსებისთვის გამოიყენეთ.

გაინთვალისწინეთ, რომ არასოდეს არ ჰყოფნის სიროფი და შეგიძლიათ გაზარდოთ სიროფის დოზა. აგრეთვე, თუ საღამოს მოათავსებთ ცივ წყალში დახვეულ და ჩხირებით შეკრულ ქერქს, რამდენიმეჯერ გამოუცვალეთ წყალი და დატოვეთ მთელი ღამე ცივ წყალში. დილით გადმოადუღეთ ორჯერ 5-5 წუთი და შემდეგ დადგით მოსახარშად, ან სამჯერ გადმოადუღეთ ახალ–ახალ წყალში და შემდეგ ჩაყარეთ მდუღარე სიროფში და ისე მოხარშეთ.