დაუვიწყარი შოკოლადის ტორტი „ცდუნება“ – მოამზადეთ საყვარელი ადამიანებისთვის
დაუვიწყარი შოკოლადის ტორტი „ცდუნება“ – მოამზადეთ საყვარელი ადამიანებისთვის
დრო 0წთ
ულუფა 0
სირთულე მარტივი
შეინახე რეცეპტი

ჰაეროვანი და უგემრიელესი დესერტი, რომელიც გულგრილს არავის დატოვებს. ეს რეცეპიტი ჩვენმა ფეისბუქჯგუფის წევრმა – თამო მეფიშვილმა გაგვიზიარა. სხვა რეცეპტების სანახავად შემოგვიერთდით ჯგუფში. 

ინგრედიენტები

  • კვერცხი - 5 ცალი
  • შაქარი - 250 გრ
  • ზეთი - 135 მლ
  • რძე - 100 მლ
  • კაკაო - 30 გრ
  • გამაფხვიერებელი - 18 გრ
  • მარილი - 0.5 ჩკ
  • ფქვილი - 200 გრ
ინგრედიენტები შოკოლადის კრემისთვის
  • კვერცხი - 4 ცალი
  • კაკაო - 80 გრ
  • რძე - 1 ლიტრი
  • შაქარი - 400 გრ
  • ფქვილი - 60 გრ
  • სიმინდის სახამებელი - 60 გრ
  • კარაქი - 120 გრ
მომზადების წესები

ათქვიფეთ კვერცხის ცილა, დაუმატეთ შაქარი, კვერცხის გული, რძე, ზეთი ეტაპობრივად, ბოლოს კი მშრალი ინგრედიენტები.

გამოაცხვეთ 170-180 გრადუსზე, დაახლოებით 35-40 წუთით, ჯერ ქვედა წვაზე – 25 წუთით და შემდეგ ორივე წვაზე 10-15 წუთით, მზაობა ხის ჩხირით შეამოწმეთ.

ბისკვიტი დანამეთ, 200 გრ ცხელ რძეში გაადნეთ 100გრ შოკოლადი, დაუმატეთ 1 სკ კონიაკი.

შოკოლადის კრემის მომზადება :

ათქვიფეთ კვერცხი და შაქარი, დაუმატეთ მოცემული ინგრედიენტები, კარაქის გარდა. შემდეგ დადგით ნელ ცეცხლზე და ურიეთ განუწყვეტლივ, მასა გასქელდება. დუღილს რომ დაიწყებს, 3 წუთი იშუშოს, შემდეგ გადმოვიტანეთ ჯამში და გააცივეთ ოთახის ტემპერატურაზე.

ავთქვიფეთ ოთახის ტემპერატურის კარაქი და ეტაპობრივად დაუმატეთ ცივ კრემს. კრემის რაოდენობა საკმაოდ ბლომად გამოდის.

ბისკვიტი სამ ნაწილად გაჭერით, თითოეული დანამეთ, წაუსვით ბლომად კრემი, მოამზადეთ შოკოლადის დეკორი, მოაყარეთ კაკაო.

მორთეთ სურვილისამებრ.