სანამ ციტრუსის სეზონია, მოამზადეთ ეს ლიმონის კექსი და გააოცეთ ოჯახის წევრები
სანამ ციტრუსის სეზონია, მოამზადეთ ეს ლიმონის კექსი და გააოცეთ ოჯახის წევრები
დრო 0წთ
ულუფა 0
სირთულე მარტივი
შეინახე რეცეპტი

ვისაც გიყვართ ტკბილ–მჟავე და ციტრუსის გემოები მოიმარჯვეთ კალამი და ფურცელი, ჩაინშნეთ ეს არომატული და ნოტიო კექსი, რომელიც ჩვენმა ფეისბუქჯგუფის წევრმა – ლეილა გაგნიძემ გაგვიზიარა. მკითხველების სხვა რეცეპტების სანახავად გვეწვიეთ ჯგუფში. 

ინგრედიენტები

  • კვერცხი - 3 ცალი
  • შაქარი - 300 გრ
  • ზეთი - 200 მლ
  • მაწონი - 200 გრ
  • ლიმონი - 1 ცალი
  • ფქვილი - 350 გრ
  • გამაფხვიერებელი - 16 გრ
  • მწიკვი მარილი
  • შაქრის პუდრა
მომზადების წესები

კვერცხი და შაქრი კარგად გათქვეფით მარილთან ერად. წვრილ ნაკადად ჩაამატეთ ზეთი, შემდეგ მაწონი.

ლიმონი კარგად გარეცხეთ. შემოახეხეთ ცედრა წვრილი სახეხით და ჩაამატეთ ცომში, შემდეგ შემოაცალეთ კანი ლიმონს, დააბლენდერეთ, კურკები არ შეგყვეთ და ჩაამატეთ ეს მასაც ცომში.

დაამატეთ გაცრილი ფქვილი და ბოლოს გამაფხვიერებელი. ფქვილი მოურიეთ ფრთხილად, ხის ან სილიკონის კოვზით.

კექსის ფორმას წაუსვით ზეთი კარგად, მოაყარეთ გარშემო ცოტა ფქვილი და მოათავსეთ ცომი ცივ ფორმაში.

ღუმელი  წინასწარ გაახურეთ 170 გრადუსზე და შემდეგ გამოაცხვეთ. კექსის ცხობის დრო 40-45 წუთია, თუმცა ღუმელს გააჩნია.

მზაობა შეამოწმეთ ხის ჩხირით. თუ არა არის მზად და თავი მოებრაწა გადააფარეთ ალუმინის ქაღალდი.

გამომცხვარი კექსი გადმოიტანეთ ფორმიდან, სულ ოდნავ შეაგრილეთ და მოაყარეთ შაქრის პუდრა.

ფერის სიმკვეთრისთვის დამატებულია ყვითელი საკონდიტრო ფერი.