ტკბილი წიწაკის კონსერვი ნივრით - თქვენი ზამთრის მარაგისთვის
ტკბილი წიწაკის კონსერვი ნივრით - თქვენი ზამთრის მარაგისთვის
დრო 60წთ
ულუფა 0
სირთულე საშუალო
შეინახე რეცეპტი

ინგრედიენტები

  • სახლის ძმარი - 500 მლ
  • ზეთი - 250 მლ
  • კამა - 1 კონა
  • ნიორი - 3 თავი
  • ტკბილი წიწაკა - 3 კგ
  • შაქარი - 1 ს.კ
  • მარილი - 3 ს.კ
მომზადების წესები

ბულგარული წიწაკა გავრეცხოთ, შევაშროთ, მოვაცილოთ თესლი და ყუნწები, დავჭრათ ზოლებად. თუ სხვადასხვა ფერის წიწაკას გამოვიყენებთ, მარინადი უფრო ლამაზი და ფერადი გამოვა.

ნიორი გავარჩიოთ და წვრილად დავკეპოთ დანით.
გარეცხილი კამა წვრილად დავჭრათ. კამის ნაცვლად შეგვიძლია ქინძი, ოხრახუში ან სხვა მწვანილი გამოვიყენოთ, გემოვნების მიხედვით.

დავმდუღროთ ქილები. ამრაოდენობას დაახლოებით 5 საშუალო ზომის ქილა დასჭირდება, 600-700 გრამიანი.

მოვამზადოთ მარინადი: ქვაბში ჩავასხათ ძმარი, ზეთი, მარილი და შაქარი. წამოვადუღოთ და ნაწილ-ნაწილ ჩავყაროთ დაჭრილი წიწაკა. ვადუღოთ 3-4 წუთი.
თითოეული ნაწილი მაშინვე გადავიტანოთ ქილაში, თან ფენებად ჩავამატოთ ნიორი და კამა.
ბოლოს, დარჩენილი მარინადი გავანაწილოთ ქილებში და დავახუროთ თავსახური.

ტეგები:
ტკბილი წიწაკა კონსერვი ნანახია: 125027