,,შავტუხა"– ტორტი, რომელიც შოკოლადის მოყვარულებს გულგრილს არ დატოვებს
,,შავტუხა"– ტორტი, რომელიც შოკოლადის მოყვარულებს გულგრილს არ დატოვებს
დრო 0წთ
ულუფა 0
სირთულე მარტივი
შეინახე რეცეპტი

,,ბისკვიტის მასა წამებში მზადაა, სჭირდება მინიმალური ინგრედიენტები და ცხობისას იზრდება ორჯერ, სასწაულად ნოტიო ბისკვიტია, არ საჭიროებს დანამვას. მოუხდება ნებისმიერი კრემი, ან უბრალოდ შოკოლადი." – ინგა ჩიქოვანი, ჩვენი ფეისბუქჯგუფის წევრი. 

ინგრედიენტები

  • ფქვილი - 250 გრ
  • სოდა - 1.5 ჩკ
  • მარილი - 1 ჩკ
  • კაკაო - 55 გრ
  • შაქარი - 300 გრ
  • კვერცხი - 2 ცალი
  • კარაქი - 60 გრ
  • ზეთი - 60 მლ
  • ვანილის ექსტრაქტი - 1 ჩკ
  • რძე - 280 მლ
  • ძმარი - 1 სკ
ინგრედიენტები შოკოლადის კრემისთვის
  • მოხარშული შესქელებული რძე - 1 ქილა
  • რძე - 100 მლ
  • ვანილი
  • ფქვილი - 2 სკ
  • კაკაო - 2 სკ
  • შავი შოკოლადი - 100 გრ
  • კარაქი - 50 გრ
მომზადების წესები

გაახურეთ ღუმელი 170 გრადუსზე, სანამ დაიწყებთ მზადებას.

 

მშრალი ინგრედიენტები აურიეთ, გაცერით, დაამატეთ კვერცხი, კარაქი, ზეთი, რძე და ათქვიფეთ. ბოლოს დაასხით ძმარი, ერთხელაც ათქვიფეთ და მზადაა, გამოაცხეთ 20 ან 22 დიამეტრის ფორმაში, დაგჭირდებათ დაახლოებით 40 წუთი. შეამოწმეთ 35 წთ რომ გავა, ყოველ 5 წუთში, ხის ჩხირით.

 

სქელძირიან ქვაბში მოათავსეთ შესქელებული რძე, შეურიეთ რძე, ფქვილი (სიმინდის სახამებელიც შეიძლება) კაკაო,შეურიეთ კარგად, დადგით დაბალ ცეცხლზე და ურიეთ გამუდმებით, რომ გაცხელდება დაამატეთ დაქუცმაცებული შოკოლადი და ურიეთ თან, მასა რომ შესქელდება, გადადგით, შეურიეთ კარაქი კარგად, გადაიტანეთ სხვა ჭურჭელში, დააფარეთ კონტაქტურად სამზარეულოს ცელოფანი, გააცივეთ და გამოიყენეთ.  ბისკვიტი გაჭერით შუაზე, მოასხით კრემი შუაში,ზემოდან მოასხით შოკოლადის მინანქარი.