გაახარეთ პატარები და ისიამოვნეთ თქვენც უგემრიელესი შოკოლადის დესერტით
გაახარეთ პატარები და ისიამოვნეთ თქვენც უგემრიელესი შოკოლადის დესერტით
დრო 0წთ
ულუფა 0
სირთულე მარტივი
შეინახე რეცეპტი

დესერტი, რომელმაც ასაკი არ იცის. უგემრიელესი შოკოლადის რეცეპტი, რომელიც ჩვენმა ფეისბუქჯგუფის წევრმა – თამო მეფიშვილმა გაგვიზიარა. მკითხველების სხვა რეცეპტების სანახავად შემოგვიერთდით ჯგუფში. 

ინგრედიენტები

  • ფქვილი - 80 გრ
  • შაქარი - 50 გრ
  • კარაქი - 50 გრ
  • მწიკვი მარილი
ინგრედიენტები შოკოლადის მასისთვის
  • შოკოლადი - 180 გრ
  • მოუხარშავი შესქელებული რძე - 180 გრ
  • ნიგოზი - 100 გრ
  • ქიშმიში - 100 გრ
მომზადების წესები

პირველ რიგში, მოამზადეთ ფხვიერი მასა: თასში მოათავსეთ ფქვილი, შაქარი, მარილი და დაუმატეთ ცივი კარაქი, მასა კარგად გააფხვიერეთ. არ უნდა მოზელვა, მხოლოდ ფხვიერი მასა გადაიტანეთ ფორმაზე.

 

აიღეთ 20 სმ ზომის ფორმა, დაუფინეთ საცხობი ქაღალდი, გადაანაწილეთ ფხვიერი მასა, დატკეპნეთ, ეს იქნება ქვედა ფენა. გამოაცხვეთ 180 ° გრადუსზე,15 წუთით.

 

შემდეგ მოამზადეთ შოკოლადის მასა:  ქვაბში მოათავსეთ შოკოლადი და შესქელებული რძე, შოკოლადი როცა გადნება, გადმოდგით და დაუმატეთ დაჭრილი ნიგოზი და ქიშმიში. დაასხით გამომცხვარ ფირფიტას, გააციეთ 10 საათის განმავლობაში.

 

დიდი ზომის საცხობი ფორმის შემთხვევაში, გააორმაგეთ დოზები. ასევე, მასა რომ გამოცხვება, ფორმაშივე დატოვეთ, ფორმას გვერდებშიც ჩაუფინეთ ქაღალდი, რომ გამყარდება შოკოლადი  ქაღალდი თავისუფლად მოცილდება, არ სჭირდება ცხიმის წასმა, დაჭერით სასურველ ნაჭრებად და გემრიელად მიირთვით.