არომატული ფორთოხლის მარმელადი – მკითხველის რეცეპტით
არომატული ფორთოხლის მარმელადი – მკითხველის რეცეპტით
დრო 0წთ
ულუფა 0
სირთულე მარტივი
შეინახე რეცეპტი

ბევრი ადამიანისთის მარმელადი ბავშვობასთან და ტკბილ მოგონებებთან ასოცირდება. ჩვენმა ფეისბუქჯგუფის წევრმა – თეომ თავისი შედეგი გაგვიზიარა. მომზადებულია თამო მეფიშვილის რეცეპტით. 

ინგრედიენტები

  • ფორთოხალი - 2 ცალი
  • შაქარი - 150 გრ
  • წყალი - 100 მლ
  • ფორთოხლის წვენი - 300 მლ
  • მწიკვი ლიმონმჟავა
  • ჟელატინი - 40 გრ
მომზადების წესები

ფორთოხალი გაჭერით შუაზე, ამოიღეთ შიგთავსი კოვზის დახმარებით, შემდეგ ნაყოფი გაწურეთ. წვენის რაოდენობა უნდა იყოს 300 მლ, თუ დააკლდა შეგიძლიათ წყალი დაუმატოთ. წვენში დაუმატეთ ჟელატინი, დაახლოებით 20 წუთით.

ცალკე ქვაბში მოათავსეთ შაქარი და წყალი, შაქარი რომ გაიხსნება დაუმატეთ ფორთოხლის წვენში  დალბობილ ჟელატინს, როდესაც ცხელ მასაში გალღვება გადმოდგით და გადაანაწილეთ ფორთოხლის კანში.

მაცივარში 4 საათით დააყოვნეთ, შემდეგ დაჭერით სასურველ ნაჭრებად და ამოავლეთ შაქარში.

შეგიძლიათ ცოტა საკონდიტრო ფერი დაუმატოთ. გამოდის ძალიან არომატული.