ყველაზე ადვილი და ეკონომიური კრემი ტორტების მოსართავად
ყველაზე ადვილი და ეკონომიური კრემი ტორტების მოსართავად
დრო 0წთ
ულუფა 0
სირთულე მარტივი
შეინახე რეცეპტი

ერთ–ერთი საუკეთესო კრემი ტორტების გასალესად და გასაფორმებლად, ასევე ქაფქეიქებისა და ტარტალეტკების მოსართავად. აუცილებლად ჩაინიშნეთ ეს რეცეპტი. ეს ყველაზე ადვილი და ეკონომიური კრემია ტორტების მოსართავად. მოამზადეთ ხელის მიქსერით და თერმომეტრის გარეშე“ – ეკატერინა ლონგიშვილი, ჩვენი ფეისბუქჯგუფის წევრი. 

ინგრედიენტები

  • კვერცხის ცილა - 120 გრ
  • შაქარი - 250 გრ
  • წყალი - 85 გრ
  • ლიმონმჟავა 1/3 ჩკ
  • ვანილი
მომზადების წესები

მომზადებისას უმთავრესია სიროფის მოდუღება – სქელძირიან და სახელურიან ქვაბში ჩაყარეთ შაქარი და დაასხით წყალი, აადუღეთ, ყურადღება მიაქციეთ რომ შაქარი არ დაიწვას. როცა ადუღდება, ცეცხლი დაბალ წვაზე დააყენთ და დაინიშნეთ დრო. სამი წუთის შემდეგ ჩაყარეთ ლიმონმჟავა და ისევ დაინიშნეთ დრო, კიდევ 4 წუთის გასვლის შემდეგ სიროფი შეამოწმეთ, კოვზით ჩააწვეთეთ ცივ წყალში. თუ სიროფისგან ბურთის დამრგვალება შეძელით – სიროფი მზადაა და გადმოდგით.

 

სიროფის ხარშვიდან სამი წუთის შემდეგ დაიწყეთ ცილის გათქვეფა გათეთრებამდე და გამყარებამდე. გადმოდგმული სიროფი დაამატეთ ცილას თქვეფისას წვრილი ნაკადით, განუწყვეტლივ თქვიფეთ და სიროფი რომ დამთავრდება შეუჩერებლივ ისევ გააგრძელეთ თქვეფა, სიროფისგან გაცხელებული ბეზე უნდა გაცივდეს ოთახის ტემპერატურამდე. კრემს მზადყოფნას შეატყობთ, ვინაიდან ბეზე ღრუბელივით ამოფუვდება და სათქვეფს ბურთივით აეკრობა. კრემი გამოიყენეთ თბილადვე.