ჭახრაკინა - გემრიელი გულსართიანი დედის რეცეპტების წიგნიდან
ჭახრაკინა - გემრიელი გულსართიანი დედის რეცეპტების წიგნიდან
დრო 0წთ
ულუფა 0
სირთულე მარტივი
შეინახე რეცეპტი

ჭახრაკინა არის ის, რაც აუცლებლად უნდა გამოაცხოთ. ჩვენი ფეისბუქჯგუფის წევრი – მარიამ ჭალელიშვილი გვიზიარებს გამოცდილ და უგემრიელეს რეცეპტს. მკითხველების სხვა რეცეპტების სანახავად შემოგვიერთდით ფეისბუქჯგუფში. 

ინგრედიენტები

  • ჭარხლის ფოთოლი - 3 კონა
  • მწვანე ხახვი - 2 კონა
  • ქინძი - 3 კონა
  • კამა - 2 კონა
  • არაჟანი - 250 გრ
  • ყველი - 400 გრ
ინგრედიენტები ცომისთვის
  • ფქვილი - 2 კგ
  • მშრალი საფუარი - 15 გრ
  • შაქარი - 5 ჩკ
  • მარილი
  • წყალი
მომზადების წესები

წინასწარ მოამზადეთ ხაში, 400 მლ თბილ წყალში გახსენით შაქარი, მარილი, საფუარი და ფქვილი. დააფარეთ საკვები ცელოფანი და დადგით თბილ ადგილას, 20 წუთით. როდესაც ამოფუვდა, გაიტანეთ ხაში ფქვილში, შეურიეთ კარგად და დაამატეთ თბილი წყალი. ცომი უნდა იყოს რბილი, მაგრამ არა თხელი. მოზილეთ დაახლოებით 25 წუთის განმავლობაში. შეფუთეთ და დადეთ 1 საათით, ასაფუებლად.

 

კარგად გარეცხეთ ჭარხლის ფოთოლი, მწვანილები. დაჭერით ყველაფერი. ჭარხლის ფოთოლი გაწურეთ და შეურიეთ მწვანილეულობას, გახეხეთ ყველი, აურიეთ არაჟანი, ამასობაში ცომიც აფუვდება და გამოაცხეთ 320 გრადუსზე, ზეთი გადაუსვით ფუნჯით, რომ კარგად მოიბრაწოს.