უგემრიელესი ვაშლის ნამცხვარი კაკაოს მინანქრით
უგემრიელესი ვაშლის ნამცხვარი კაკაოს მინანქრით
დრო 0წთ
ულუფა 0
სირთულე მარტივი
შეინახე რეცეპტი

ეს რეცეპტი, რომელიც ჩვენმა ფეისბუქჯგუფის წევრმა – თამო მეფიშვილმა გაგვიზიარა, გამოირჩევა სიმარტივითა და საოცარი არომატით. შემოგვიერთდით თქვენც ჩვენს ჯგუფში და გაგვიზიარეთ თქვენი კულინარიული შემოქმედება. 

ინგრედიენტები

  • კვერცხი - 4 ცალი
  • შაქარი - 200 გრ
  • არაჟანი - 200 გრ
  • კარაქი - 200 გრ
  • სოდა - 1 ჩკ
  • სოდა - 800 გრ
ინგრედიენტები შიგთავსისთვის
  • ვაშლი - 6 ცალი
  • ლიმონის წვენი - 1 სკ
  • დარიჩინი - 0.5 ჩკ
  • შაქარი - 100 გრ
ინგრედიენტები არაჟნის კრემისთვის
  • არაჟანი 15 ან 20 % - 600 გრ
  • შაქრის პუდრა - 200 გრ
  • ვანილი - 1 ცალი
ინგრედიენტები მინანქრისთვის
  • კაკაო - 3 სკ
  • შაქარი - 4 სკ
  • არაჟანი - 1 სკ
  • რძე - 4 სკ
  • ზეთი - 1 სკ
მომზადების წესები

ათქვიფეთ კვერცხი და შაქარი, დაუმატეთ გამდნარი კარაქი, შემდეგ არაჟანს დამატებული სოდა, ბოლოს ფქვილი. მასა განკუთვნილია ღუმელის სტანდარტული საცხობი ფორმისთვის. 

გაყავით 5 ტოლ ნაწილად, გააბრტყელეთ და გამოაცხვეთ, მალე ცხვება და მუდამ აკონტროლეთ.

შიგთავსის მოსამზადებლად, ვაშლი გახეხეთ, მოასხით ლიმონის წვენი, მოათავსეთ ქვაბში, დააყარეთ შაქარი და მოშუშეთ ნელ ცეცხლზე, შაქრის სრულ გადნობამდე, ბოლოს კი დარიჩინი.

არაჟნის კრემის მოსამზადებლად საწურზე დააფინეთ ოთხად გადაკეცლი მარლა, მოათავსეთ მასზე არაჟანი, შეფუთეთ და მაცივარში მოათავსეთ 7 საათის განმავლობაში, შემდეგ დაუმატეთ შაქრის პუდრი, ვანილი და ათქვიფეთ. ფირფიტებზე გადაანაწილეთ ვაშლის მასა და კრემი მონაცვლეობით, ბოლოს კი მინანქარი მოასხით.

მინანქრისთვის მოცემული ინგრედიენტები წამოადუღეთ, ბოლოს დაუმატეთ ზეთი და მოასხით ნამცხვარს.