ქათამი ბოსტნეულთან ერთად, აზიურ სტილში - 15 წლის ანდრია გრძელიშვილისგან
ქათამი ბოსტნეულთან ერთად, აზიურ სტილში - 15 წლის ანდრია გრძელიშვილისგან
დრო 0წთ
ულუფა 0
სირთულე მარტივი
შეინახე რეცეპტი

გიზიარებთ კერძის რეცეპტს, რომელიც 15 წლის ანდრია გრძელიშვილმა სპეციალურად ჩვენი საიტისთვის მოამზადა.

ინგრედიენტები

  • ბროკოლი - 300 გრ
  • ქათმის ფილე - 500 გრ
  • ბულიონი ქათმის, ან ნებისმიერი - 0.5 ჭიქა
  • სიმინდის სახამებელი - 2 ჩკ
  • სოიოს სოუსი - 2 სკ
  • თეთრი ღვინო - 2 სკ
  • ღვინის ძმარი - 2 სკ
  • ვორჩესტერის სოუსი - 2 სკ
  • გახეხილი ჯანჯაფილი - 2 სკ
  • წვრილად დაჭრილი ნიორი - 2 სკ
  • მოხალული არაქისი - 50 გრ
  • ზეთი შესაწვავად
მომზადების წესები

ქათმის ფილე დაჭერით კუბიკებად. 1 სკ სოიოს სოუსი, ძმარი და ნახევარი ჩკ სიმინდის სახამებელი აურიეთ და დაასხით ქათმის ნაჭრებს, დაამარინადეთ. ქათამი მარინადში დატოვეთ მინიმუმ 10 წუთის განმავლობაში. 

მდუღარე წყალში გათუთქეთ ბროკოლი, 3 წუთით,  შემდეგ გადმოიტანეთ თეფშზე.

ცალკე თასში აურიეთ მორჩენილი სოიოს სოუსი,  ვორჩესტერი, ღვინო,  ბულიონი და სიმინდის სახამებელი. ეს სოუსი ბოლოს მოსასხმელად დაგჭირდებათ. 

გახურებულ ტაფაზე შეწვით ქათამი, სანამ მოოქროსფრო-მოყავისფრო არ გახდება. დაუმატეთ არაქისი,  ნიორი და ჯანჯაფილი. 30 წამის შემდეგ დაუმატეთ ბროკოლი და გამზადებული სოუსი. დაბალ ცეცხლზე გააჩერეთ კიდევ 10-15 წუთი,  სანამ არ შესქელდება. 
გარნირად მოამზადეთ ბრინჯი, უმჯობესია, ბასმატის ჯიშის.