„თუ ერთხელ მაინც მოამზადებთ, არასდროს იყიდით“ – ხალვის ყველაზე გემრიელი რეცეპტი
„თუ ერთხელ მაინც მოამზადებთ, არასდროს იყიდით“ – ხალვის ყველაზე გემრიელი რეცეპტი
დრო 0წთ
ულუფა 0
სირთულე მარტივი
შეინახე რეცეპტი

მერწმუნეთ, თუ ერთხელ მაინც მოამზადებთ სახლის პირობებში, არასდროს არ იყიდით, მართლაც უგემრიელესია და საოცარი არომატი აქვს“ – თამო მეფიშვილი, ჩვენი ფეისბუქჯგუფის წევრი. შემოგვიერთდით თქვენც და გაგვიზიარეთ თქვენი კულინარიული შემოქმედება.

ინგრედიენტები

  • მზესუმზირა - 500 გრ
  • შაქარი - 250 გრ
  • წყალი - 4 სკ
  • თაფლი - 1 სკ
  • ვანილი - 1 ცალი
  • მწიკვი მარილი
  • კვერცხის ცილა - 1 ცალი
მომზადების წესები

გარჩეული მზესუმზურა დაყარეთ ტაფაზე და მოხალეთ ნელ ცეცხლზე, მოხალვის შემდეგ გააცივეთ და ჩაყარეთ ბლენდერში, ეტაპობრივად დააბლენდერეთ და დაუმატეთ თაფლი, მასა იქცევა კრემივით.

გადაიტანეთ თასში დაბლენდერებული მზესუმზირა და მოადუღეთ სიროფი:

ქვაბში მოათავსეთ შაქარი და წყალი, არ მოურიოთ. დუღილს რომ დაიწყებს, დაიწყეთ ცილის ათქვეფა, მარილი დანის წვერით დაუმატეთ ცილას.

თუ თერმომეტრი გაქვთ, სიროფის დუღილის ტემპერატურა უნდა იყოს 120 გრადუსი. ამ შემთხვევაში მზადაა, თუ არ გაქვთ, ჯამით დაიდგით წყალი, ჩააწვეთეთ რამოდენიმე წვეთი, თუ დაკრისტალდა – მზადაა.

ცხელ სიროფს დაუმატეთ ათქვეფილი ცილა, მასა გაორმაგდება და შემდეგ დაუმატეთ ვანილი.

თუ ბეზე გაწყალდა, სიროფს მოდუღება აკლია.

ბეზეს კრემს შეურიეთ დაბლენდერებული მზესუმზირა. გადაიტანეთ თასში. სანამ გადაიტანთ, ფორმას ან ქაღალდი ჩაუფინეთ, ან საკონდიტრო პარკი. მაცივარში მოათავსეთ 10 საათის განმავლობაში, მასა გამყარდება. დაჭერით თავისუფლად, სასურველი ზომის ნაჭრებად, უგემრიელესი გამოდის.