„გამოდის მძიმე და ნოტიო“ - თამრიკო კიკაბიძის ლეგენდარული პასკა (ვიდეორეცეპტი)
„გამოდის მძიმე და ნოტიო“ - თამრიკო კიკაბიძის ლეგენდარული პასკა (ვიდეორეცეპტი)
დრო 0წთ
ულუფა 0
სირთულე მარტივი
შეინახე რეცეპტი

ეს გახლავთ თამრიკო კიკაბიძის ცნობილი პასკა. ხოლო ვიდეოს ავტორია  Kate's dinner 

ინგრედიენტები

  • კვერცხი - 10 ც
  • შაქარი - 1200 გ
  • ფქვილი - 3 კგ
  • საფუარი - 4 სკ
  • რძე - 1 ლ
  • მარგარინი - 250 გ
  • კარაქი - 250 გ
  • ზეთი - 1 ჭიქა (200 მლ)
  • ქიშმიში - 250 გ
  • ცუკატები - 250 გ (სურვილისამებრ)
  • 1 ლიმონის ცედრა
  • ვანილი
  • მუსკატის კაკალი - 0.5 ჩკ
  • ილი - 0.5 ჩკ
  • მიხაკი - 0.5 ჩკ
  • დარიჩინი - 0.5 ჩკ
  • რომი ან კონიაკი - 200 მლ
მომზადების წესები

1. ქიშმიში, ცუკატი, ლიმნის ცედრა, ვანილი, მუსკატის კაკალი, ილი, მიხაკი და დარიჩინი დავუმატე რომი, მოვურიე და შევახვიე პარკში იქამდე, სანამ ცომი აფუვდება.

2. ნახევარ ლიტრა თბილ რძეში გავხსნათ საფუარი, დავუმატოთ 1 ჩ.კ შაქარი (ვიღებთ ამ შაქარს იმ პორციიდან, რომელიც არის განკუთვნილი პასკისთვის)

3. მეორე ნახევარ ლიტრაში ვამატებთ ცხიმს: კარაქს, მარგარინს და ზეთს. ვდგამთ დაბალ ცეცხლზე.

4. ვიღებთ ორ ჯამს და ვაცალკავებთ კვერცხის გულს ცილისგან, ერთ ჯამში ცილაა, მეორეში გული.

5. ვიწყებთ ცილის თქვეფას, ამოყვანილი ცილას ვუმატებთ 10 სუფრის კოვზ შაქარს (ისევ იმ საერთო შაქრიდან). შაქარს ვამატებთ ეტაპობრივად, თითო დამატების შემდეგ ვთქვეფთ 2-3 წუთით.

6. გულს ვუმატებთ დარჩენილ შაქარს და ვთქვეფთ გათეთრებამდე.

7. ეს ორი მასა შევურიოთ ერთმანეთს. გაითვალისწინეთ, რომ ფრთხილად უნდა აურიოთ, ხელის ერთი და იმავე მოძრაობით.

8. მაშ ასე, კვერცხიანი მასა მზად არის, საფუარი გააქტიურდა, ცხიმიანი მასაც გადნა.

9. ვიწყებთ მოზელვას: დიდ თასში გავცრათ ფქვილი, დავუმატოთ ჯერ საფუარი, შემდეგ - ცხიმიანი მასა, ბოლოს - კვერცხიანი მასა. ცომის მეზელვა ადვილი არ არის, კარგად უნდა დაამაშუვოთ. ვზელთ იქამდე, სანამ ცომი გაერთიანდება და დაეკვრება ხელებს.

ვტოვებთ 6-8 საათით. სასურველია ღამე მოზილოთ, რადგან საფუარის ცომს სიჩუმე და სიწყნარე უყვარს, უფრო კარგად ამოდის.

10. დილით დავუმატოთ ქიშმიშიანი მასა, ისევ მოვზილოთ და განვათავსოთ ფორმებში, ნახევრად უნდა აივსოს. მე გამომივიდა 5 ფორმა (თითო იწონის 1500 გ) ამ ფორმებს ვაფარებთ პარკს და ისევ ვდგამთ 7-8 საათით, შემდეგ ვაცხობთ 1 საათით 150 C° მე მქონდა ჩართული მხოლოდ ქვედა წვა კონვენციით. ჩემი ფორმები რადგან იყო დიდი, დამჭირდა 1,5 საათი.

ტეგები:
პასკა სააღდგომო კულიჩი ნანახია: 443