ფქვილს შეურიეთ გამაფხვიერებელი, დანის წვერით მარილი, დაუმატეთ ოთახის ტემპერატურის კარაქი და გააფხვიერეთ, შემდეგ დაამატეთ კვერცხის გული და არაჟანი. ცომის მასა კარგად დაამუშავეთ, უნდა იყოს ელასტიური. ამ მასით გამოდის 1200 გრ-მდე. გაყავით 3 ნაწილად და 1 საათით მოათავსეთ მაცივარში. მოამზადეთ ბეზე: კვერცხის ცილას დაუმატეთ დანის წვერით მარილი და ათქვიფეთ, ასევე შაქარი. როდესაც აითქვიფება დაამატეთ დაჭრილი ნიგოზი. ცომი გამოიტანეთ მაცივრიდან, გააბრტყელეთ, გადაანაწილეთ ბეზე და ისევ დაადეთ გაბრტყელებული ცომის მასა, შემდეგ ისევ ბეზე და ბოლოს მესამე ფენაც. კვერცხის გულს დაუმატეთ 0.5 ჩ/კ არაჟანი და გადაანაწილეთ მასაზე, დაჭერით სასურველ ნაჭრებად, გამოაცხვეთ 170-180°-ზე, დაახლოებით 50 წუთით, ორივე წვაზე. ცხელს გადაუსვით თაფლი, უგემრიელესია. შეგიძლიათ ღუმელის სტანდარტულ ფორმაზეც გამოაცხოთ.