დაბალკალორიული, ჯანსაღი პასკის რეცეპტი მკითხველისაგან
დაბალკალორიული, ჯანსაღი პასკის რეცეპტი მკითხველისაგან
დრო 0წთ
ულუფა 0
სირთულე მარტივი
შეინახე რეცეპტი

გადავწყვიტე წელს ტრადიციულ პასკებთან ერთად, მოვამზადო შედარებით დაბალკალორიული, ჯანსაღი პასკა და კრაფინი. არის გემრიელი და ასევე სასარგებლო – ნინო წილოსანი, ჩვენი ფეისბუქჯგუფის წევრი. მკითხველების სხვა რეცეპტების სანახავად შემოგვიერთდით ფეისბუქჯგუფში. 

ინგრედიენტები

  • ქიშმიში და ცუკატები - 150 გრ
  • ხაჭო 5–9 % - 200 გრ
  • კვერცხი - 1 ცალი
  • კარაქი - 30 გრ
  • ლიმონის ცედრა
  • შაქარი - 80 გრ
  • ვანილი
  • ფქვილი - 230 გრ
  • გამაფხვიერებელი - 1 ცალი
  • ზეთი
მომზადების წესები

 

პირველ რიგში, ქიშმიში და ცუკატები გარეცხეთ, დაასხით ადუღებული წყალი და დააყოვნეთ 10-15 წუთით. გადაუწურეთ წყალი და გაფინეთ სამზარეულოს ხელსახოცზე, გასაშრობად.

ცალკე თასში მოათავსეთ ხაჭო, კვერცხი, კარაქი, ლიმონის ცედრა, შაქარი და ვანილი. ეს ყველაფერი ათქვიფეთ ხელის ბლენდერით, ან მიქსერით, ერთგვაროვან მასამდე. 

ცალკე გაცერით 200-230 გრ ფქვილი, დაამატეთ გამაფხვიერებელი, აურიეთ კარგად და შეურიეთ ხაჭოიან მასას. მოზილეთ რბილი ცომი, დაასვენეთ 15 - 20 წუთით.

დაფაზე მოაყარეთ ფქვილი, გადაიტანეთ ცომი 30×40 სმ სიგრძეზე, წაუსვით ფუნჯით ცოტა ზეთი, მოაყარეთ მშრალი ჩირეული,(ასევე შეგიძლიათ დაუმატოთ მოხალული ნიგოზი ან თხილი), გადაახვიეთ, გაჭერით, გააკეთეთ წნული, მიეცით ფორმა და მოათავსეთ საცხობ ფორმაზე. გამოაცხვეთ 170-180°–ზე, 60-70 წუთით. საჭიროების შემთხვევაში, ზემოდან დააფარეთ ფოლგა, რომ ძალიან არ დაიბრაწოს.