„რეცეპტი არის ძველი და მრავალჯერ გამოცდილი“ – ბეზე მკითხველის რეცეპტით
„რეცეპტი არის ძველი და მრავალჯერ გამოცდილი“ – ბეზე მკითხველის რეცეპტით
დრო 0წთ
ულუფა 0
სირთულე მარტივი
შეინახე რეცეპტი

ეს უძველესი რეცეპტი ჩვენმა ფეისბუქჯგუფის წევრმა, დადუ –მ გაგვიზიარა. მკითხველების სხვა რეცეპტების სანახავად შემოგვიერთდით ფეისბუქჯგუფში. 

ინგრედიენტები

  • ფქვილი - 400 გრ
  • სიმინდის სახამებელი - 70 გრ
  • კვერცხი - 2 ცალი
  • გამაფხვიერებელი 0,5 ჩ.კ, ან სოდა 1/3 ჩ.კ. 1ჩ.კ. ძმრით
  • კარაქი ან მარგარინი - 200 გრ
  • შაქარი - 115 გრ
  • მარილი - 0.25 ჩკ
  • ვანილი
  • კვერცხის ცილა - 100 გრ
  • შაქარი - 250 გრ
  • წყალი - 70 გრ
  • ვანილი
  • ლიმონმჟავა - 0.5 ჩკ
  • ძმარი - 0.15 ჩკ
მომზადების წესები

კვერცხი და შაქარი ათქვიფეთ, დაუმატეთ გამდნარი, შეგრილებული კარაქი, მარილი, ვანილი, გამაფხვიერებელი, ან სოდა ძმრით და მსუბუქად მოურიეთ. შემდეგ ჩაამატეთ სიმინდის სახამებელი, ფქვილი და მოზილეთ ცომი, წებოვნების გაქრობამდე. დიდხანს ზელვა არ უნდა. მოასვენეთ მაცივარში, 1 საათით და მზადაა.

ფორმა არ საჭიროებს ცხიმის წასმას, ადვილად გადმოსკუპდებიან. გამოდის ხრაშუნა და ძალიან გემრიელი.

ბეზეს მომზადება (იტალიური მერენგა): მშრალ თასში მოათავსეთ კვერცხის ცილა, მწიკვი მარილი. ცეცხლზე დადგით შაქრისა და წყლის მასა. დაუმატეთ ძმარი და დაელოდეთ ადუღებას. დუღილის პროცესის დაწყების შემდეგ, ცოტათი დაუწიეთ ცეცხლს და ტემპერატურა აკონტროლეთ საკონდიტრო თერმომეტრით. როდესაც ტემპერატურა მიაღწევს 108 გრადუსს, დაიწყეთ ცილის ათქვეფა, ნორმალურ სიჩქარეზე. როცა ტემპერატურა მიაღწევს 118 გრადუსს, დაუმატეთ ლიმონმჟავა. მსუბუქად მოურიეთ და დაელოდეთ ტემპერატურის მომატებას, 125 გრადუსამდე. თერმომეტრი სულ უნდა იყოს თასში, ოღონდ არ უნდა ეხებოდეს თასის ფსკერს, რადგან იქ უკვე სხვა ტემპერატურაა და შეცდომაში შეგიყვანთ. როდესაც მივა ტემპერატურა 125 გრადუსამდე, გადმოდგით და დაელოდეთ 123 გრადუსამდე შეგრილებას.

დაუბრუნდით ისევ ცილას, რამდენიმე წამით ამოთქვიფეთ და ეს ცხელი ვაჟინი ჩაამატეთ წვრილი ნაკადით, არამხოლოდ ერთი მხრიდან. მიქსერით ამუშავეთ ჯერ დაბალ სიჩქარეზე, ხოლო შემდეგ მოუმატეთ და თქვიფეთ იქამდე, სანამ ბეზე თასის კედლებს არ მოსცილდება. მიხვდებით თვითონ, ადვილიად შეამჩნევთ, ოღონდ არ გადაითქვიფოს.

ბეზე თქვეფაში უნდა შეგრილდეს და დადგეს ოთახის ტემპერატურაზე. სასურველია გამოიყენოთ თბილი. გამოყენების დროს ბეზეს თასს სველი, გაწურული ტილო გადააფარეთ, რათა არ მოუშრეს მალე ზედაპირი და ფორმების დასმა არ გაჭირდეს.

მომზადების ტექნოლოგიას ძალიან დიდი მნიშვნელიბა აქვს. ტარტალეტკას გულში უხდება მომჟავო ჯემი. დანარჩენი გემოვნების საკითხია.