ტორტი „მიქსი“ – აუცილებლად მოსამზადებელი და დასაგემოვნებელი
ტორტი „მიქსი“ – აუცილებლად მოსამზადებელი და დასაგემოვნებელი
დრო 0წთ
ულუფა 0
სირთულე მარტივი
შეინახე რეცეპტი

ინგრედიენტები

  • კვერცხი - 4 ცალი
  • შაქარი - 300 გრ
  • თაფლი - 4 სკ
  • კარაქი - 100 გრ
  • მაწონი ან არაჟანი - 4 სკ
  • ფქვილი - 4 ჭიქა
  • სოდა - 1 ჩკ
  • ლიმონის წვენი - 1 სკ
  • ვანილი
  • კაკაო - 3 სკ
ინგრედიენტები კრემისთვის
  • რძე - 300 მლ
  • შაქარი - 100 გრ
  • ვანილი
  • კარაქი - 200 გრ
  • ფქვილი - 3 სკ
  • მოხარშული შესქელებული რძე - 1 ცალი
მომზადების წესები

კვერცხი და შაქარი ათქვიფეთ გათეთრებამდე, დაამატეთ მაწონი ან არაჟანი, ლიმონის წვენი, გამდნარი კარაქი, თაფლი, ვანილი, მწიკვი მარილი. კარგად აურიეთ, ან ათქვიფეთ მიქსერით. ფქვილში კარგად აურიეთ სოდა და დაამატეთ მასას. მოზილეთ ცომი.

გადაიტანეთ მაგიდაზე. ცომი გაყავით ორად, ისე რომ ერთი ნაწილი მეტი იყოს მეორეზე, რადგან ერთი ნაწილისგან 3 ფენა გამოვიდეს, მეორესგან - ორი. ნაკლებ ნაწილს დაამატეთ 3ს.კ.კაკაო და აურიეთ. თეთრი ნაწილისგან გააკეთეთ 3 ფენა, შავისგან - ორი. 

ცომი ზომიერად რბილია, ამიტომ ცხიმწასმულ და ფქვილმოყრილ საცხობ ფირფიტაზე, ან საცხობ ქაღალდზე პირდაპირ ფენა გააბრტყელეთ ხელით, ოდნავ მოპნეული ფქვილის დახმარებით.

გამოაცხვეთ 180 გრადუსზე, წინასწარ გახურებულ ღუმელში. გვერდები ჩამოუჭერით გასასწორებლად.

კრემის მომზადება: რძეში გახსენით შაქარი და ფქვილი. მოხარშეთ მუდმივი მორევით ფაფა, დაბალ ცეცხლზე. ჯერ კიდევ ცხელს შეურიეთ 1 ქილა მოხარშული შესქელებული რძე. როდესაც გაცივდება, წინასწარ ათქვეფილ 200 გრ. კარაქს შეათქვიფეთ პორციებად, კრემის ჰაეროვნებამდე.

წაუსვით კრემი ფენებს, მონაცვლეობით. მუქი ფერის ნაფხვენები ტორტის ორ გვერდს მოაყარეთ, მეორე ორ გვერდს- თეთრი ნაფხვენები.

ზემოდან სურვილისამებრ, შეგიძლიათ მინანქარი მოასხათ, ან მოაყარეთ ორფერი ნაფხვენები ჭადრაკულად. ამ შემთხვევაში მოსხმულია ორი ფერის შოკოლადი.