უფაფუკესი კარამელის ნამცხვარი, რომელიც პირში დნება - მზადდება 30 წუთში
უფაფუკესი კარამელის ნამცხვარი, რომელიც პირში დნება - მზადდება 30 წუთში
დრო 0წთ
ულუფა 0
სირთულე მარტივი
შეინახე რეცეპტი

ეს რეცეპტი ჩვენმა ფეისბუქჯგუფის წევრმა - ინგა ჩიქოვანმა გაგვიზიარა. მკითხველების სხვა რეცეპტების სანახავად შემოგვიერთდით ფეისბუქჯგუფში. 

ინგრედიენტები

  • კვერცხი - 2 ცალი
  • მოხარშული შესქელებული რძე - 1 ქილა
  • მწიკვი მარილი
  • გამდნარი კარაქი ან ზეთი - 100 გრ
  • ფქვილი - 1 ჭიქა
  • გამაფხვიერებელი - 1 შეკვრა
ინგრედიენტები კრემისთვის
  • მოხარშული შესქელებული რძე - 1 ცალი
  • კარაქი - 200 გრ
  • ვანილი
ინგრედიენტები არაჟნიანი კარამელისთვის
  • შაქარი - 100 გრ
  • არაჟანი - 2 სკ
  • რბილი კარაქი - 1 სკ
მომზადების წესები

კვერცხი და მწიკვი მარილი ათქვიფეთ, შეათქვიფეთ მოხარშული, შესქელებული რძე,ზეთი და ფქვილი, გამაფხვიერებელი. კოვზით გასაყვანი მასა გამოდის, გაიტანეთ ქაღალდზე, რომელსაც მოუსმევთ მსუბუქად ცხიმს, გამოაცხვეთ 4 ფენა, წინასწარ გახურებულ ღუმელში, 180 გრადუსზე, ზედა-ქვედა წვით. მალე ცხვება, მზაობა შეამოწმეთ ხის ჩხირით .

კრემის მომზადება: გაითვალისწინეთ, რომ ყველა ინგრედიენტი უნდა იყოს ერთი ტემპერატურის. ათქვიფეთ კარაქი, ვანილი და შეათქვიფეთ შესქელებული რძე.

ზემოდან მოასხით მომზადებული კარამელი არაჟნის ბაზაზე - შაქარი ჩაყარეთ ქვაბში და დადგით დაბალ ცეცხლზე, არ აურიოთ, როდესაც გადნება შაქრის ნახევარზე მეტი, დაიწყეთ მერე ხის კოვზით შერევა, რომ გაიხსნება სრულად შაქარი და მიიღებთ ლამაზი კარამელის ფერს, დაამატეთ ოთახის ტემპერატურის არაჟანი და ურიეთ გამუდმებით, ადუღეთ ესე 3-4 წუთის განმავლობაში. გადმოდგით და 2 წუთის შემდეგ შეურიეთ კარაქი, ვანილი, მწიკვი მარილი. მასა გააერთიანეთ და მზადაა.