ჯანსაღი და გემრიელი სადილი – ,,ჩაშუშული ცერცვი"
ჯანსაღი და გემრიელი სადილი – ,,ჩაშუშული ცერცვი"
დრო 0წთ
ულუფა 0
სირთულე მარტივი
შეინახე რეცეპტი

,,ცერცვი ძალიან სასარგებლოა, იგი დიდი რაოდენობით ცილებსა და მიკროელემენტებს შეიცავს. რადგან ხლა უკვე შემოვიდა ქორფა, ახალი, მწვანე ცერცვი, სასურველია მისი აქტიურად ჩაბმა რაციონში" – ნინო წილოსანი, ჩვენი ფეისბუქჯგუფის წევრი. 

ინგრედიენტები

  • ცერცვი
  • დაჭრილი ხახვი
  • ტკბილი წითელი წიწაკა
  • პომიდვრის საწებელი
  • ქინძი
  • ოხრახუში
  • მწვანე რეჰანი
  • დაჭყლეტილი ნიორი
  • მარილი და პილპილი გემოვნებით
მომზადების წესები

ცერცვი გაასუფთავეთ ყუნწებისგან და ძაფებისგან, გარეცხეთ და დაასხით წყალი. დადგით გაზქურაზე. ხარშეთ 20 წუთით, გადაწურეთ საწურზე (წვენს არ იყენებთ).

ცალკე ქვაბში ჩაასხით ცოტა ზეთი, დაამატეთ დაჭრილი ხახვი, წითელი ტკბილი წიწაკა, ოდნავ მოშუშეთ, დაამატეთ პომიდვრის პასტა, მოხარშული ცერცვი, ადუღებული წყალი (ისე, რომ ოდნავ დაფაროს) და მოხარშეთ ნელ ცეცხლზე, ცერცვის მზაობამდე. ბოლოს ჩაამატეთ დაჭრილი ქინძი, ოხრახუში, მწვანე რეჰანი, დაჭყლეტილი ნიორი, პილპილი და მარილი გემოვნებით.

მოამზადეთ და მიირთვით მწვანე სალათთან ერთად, ძალიან უხდება, გაამოთ.